• USD 468.56

  • EUR 497.56

  • RUB 7.3

  • CNY 67.18

28 Naýryz, 13:30:40
Almaty
+35°

Almatyda Abaı Qunanbaıulynyń 175 jyldyǵyna arnalǵan «100 óleń» respýblıkalyq kórkemsóz oqý saıysy ótip jatyr.

Saıysqa respýblıkamyzdyń ár óńirinen iriktelip shyqqan 15 adam qatysýda.  

Saıystyń fınaldyq kezeńine ótken qatysýshylar ASSYLTAS qoǵamdyq qory toptastyrǵan 100 óleńdi jatqa aıtyp jarysady. 100 óleń jınaǵyna Maılyqoja, Súıinbaı, Abaı, Jambyl, Muqaǵalı bastaǵan aqyndardan bastap, búginginiń úzdikteri Ulyqbek Esdáýlet, Júrsin Erman, Jaras Sársek, Janarbek Áshimjan, Aqberen Elgezek, Baqyt Bedelhan syndy poezııa maıtalmandarynyń óleńderi kirgen. 

Bastapqyda 50-den astam qatysýshy ótinish bildirip, onlaın rejımde ótken baıqaýda óner kórsetken. Solardyń ishinen iriktelip shyqqan 15 adam baıqaýdyń fınalyna joldama alǵan.

Búgingi baıqaýdyń birinshi kezeń sharty boıynsha ár qatysýshy qorjynǵa salynǵan óleńderdi alyp, ony tolyq oqýy tıis. Bul kezeńde birden bes óleńdi oqıdy, sonyń ishindi ekeýin tolyq jatqa oqymasa kelesi kezeńge óte almaıdy.
Ekinshi kezeńde ádilqazylar saıysqa aralasady. Olar jınaqqa engizilgen 100 óleńniń kemi onynyń kez kelgen jerinen suraıdy. Qatysýshy eki óleńnen shatassa kelesi kezeńge ótpeıdi.

Al,«Shappa-shap» kezeńine tórt qatysýshy ótedi. Olar eki jupqa bólinip, 100 óleńniń kez kelgen jerinen surap, bir-birin tekseredi. Munda jeńimpaz eki upaı aıyrmashylyǵymen jeńýi tıis. Fınalǵa ótken eki qatysýshy da osy ádispen jeńiske talasady.

Jambyl oblysynan kelgen on tórt jasar Qýanysh Keneshbaı baıqaýǵa qatysqaly Abaı óleńderin tereń túsine túskenin aıtady.

"Saıysqa jaqsy daıyndalyp kelgen edim, degenmen sahnaǵa shyqqanda qobaljý boldy. Jalpy saıysqa qatysqaly sóz qorym kóbeıip, Abaı óleńderin tereń túsine bastadym",-deıdi jas qatysýshy.

Jarys qorytyndysy boıynsha úsh  jeńimpaz anyqtalady. Birinshi orynǵa ASSYLTAS qoǵamdyq qory taǵaıyndaǵan avtokólik sıǵa beriledi.

Uıymdastyrýshylar atalǵan shara Abaı óleńderin jastar arasynda keńinen nasıhattaýǵa arnalǵanyn aıtady. 

"Alǵashynda bul saıysty Shyǵys Qazaqstanda jylda ótip turatyn «Tuǵyry bıik Tarbaǵataı» atty festıval aıasynda ótkizgimiz kelgen. Alaıda pandemııaǵa baılanysty ol ótpedi. Degenmen Abaı atamyzdyń 175 jyldyǵyna arnap ótkizý sáti týdy. Saıysqa qatysýshylardy qyzyqtyrý úshin bas júldege kólik tiktik, mundaı syılyq buryn bolmaǵan eken", - deıdi ASSYLTAS qoǵamdyq qorynyń basshysy Dýlat Tastekeev.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir