07 Jeltoqsan, 2020 Saıasat
Foto: ashyq derekkóz
2021 jylǵy 10 qańtarda Qazaqstanda parlament májilis pen jergilikti máslıhattardyń kezekti saılaýy ótedi. Oǵan "NurOtan", "Birlik", "Aýyl", "Aq Jol", Qazaqstannyń halyq partııasy qatysady. Al Jalpy ulttyq sosıal-demokratııalyq partııasy saılaýǵa baıkot jarııalaǵan bolatyn. Osyǵan qatysty saıasatker, oppozısııalyq "Dat" gazetiniń jetekshisi Ermurat Bapı "Nege" tok-shoýynda pikir bildirdi.
– Qoǵamdaǵy belgili bir uıymnyń baıkot jarııalaýy men partııanyń baıkoty eki bólek dúnıe. JSDB partııasynyń jarııalaǵan baıkoty bıliktiń yqpalymen jasalǵan. Eger bul partııa saılaýǵa túskende, 30 paıyz daýysty alar edi. Sondyqtan olardyń bul qadamyna 10 qańtardan keıin tóńkeris bolyp ketpeýi úshin bıliktiń jasaǵan áreketi dep baǵa berýge bolady. Demek, JSDP qoǵamnyń baıkotyn emes, bıliktiń baıkotyn qabyldady. Bastysy bul saılaýda ıntrıga qalmady. Azart joq. Qyzyq joq. Eshqandaı saıası múddelerdiń qaqtyǵysy da joq. Azamattyq qoǵam sengen bir-aq partııa boldy. Ol da endi bitti. Aqsha joq degen syltaý ǵana. Bul partııa eldegi árbir ofısin qarjylandyryp jatyr. 14 oblystaǵy ofısti qarjylandyrýǵa qanshama mıllıon qarajat kerek?!. Buny partııaǵa bılik berdi me, basqa berdi me, bilmedim. Sol aqshaǵa JSDP halyqtyń, qoǵamnyń múddesin satyp ketti, – dedi saıasatker.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir