Qoǵamdyq baqylaý aıasynda komıssııa Aıagóz qalasyndaǵy balalar ortalyǵynda boldy

Oblys ákiminiń tapsyrmasy boıynsha 2019 jylǵy maýsymda respýblıkalyq komıssııa bergen usynymdardyń oryndalýyn baqylaý maqsatynda Aıagóz arnaıy áleýmettik qyzmet kórsetý ortalyǵyna Qoǵamdyq keńestiń tóraǵasy Vladımır Golovatıýk bastaǵan komıssııa jiberildi.

Onyń quramyna kóp balaly analar, úkimettik emes uıymdardyń jáne qoǵamdyq keńestiń saraptamalyq toptarynyń ókilderi, jýrnalıster kirdi.

Jurtshylyq ǵımarattardyń birin qaıta qurý barysymen jáne gıdro-massaj vannalary, montessorrı bólmeleri men art-terapııa bólmeleri ornalasqan arnaıy qosymshanyń jobasymen tanysty. Bul baǵyttaǵy jumystarǵa jyl sońyna deıin shamamen 140 mıllıon teńge bólindi.

Áreketti baqylaý 51 beınebaqylaý kameralaryn qoldaný arqyly da júzege asyrylady. Olar ǵımarattyń ishinde de, perımetri boıynsha da ornalasqan. Olardan alynǵan beıneler tikeleı oblystyq prokýratýra men jumyspen qamtýdy úılestirý jáne áleýmettik baǵdarlamalar basqarmasyna joldanady. Ortalyq qyzmetkerleri qysqa merzim ishinde bul komıssııanyń 15-shi sapary bolǵanyna shaǵymdanyp, búginde barlyq zań buzýshylyqtar joıylǵanyn, balalardyń emdelýine, saýyqtyrylýyna jáne ómir súrýine barlyq jaǵdaı jasalǵanyn atap ótti.

– Shynynda da jasyratyn eshteńe joq - búginde ortalyqta jaǵdaı jaıly, jaqsy azyq-túlik, barlyq qajettiliktermen qamtamasyz etilgen. Bizge jóndeý jumystary qalaı júrgizilip jatqanyn, azyq-túlik, gıgıenalyq ónimder jáne taǵy basqalary saqtalatyn qoımalardy kórsetti. Eń bastysy, biz balalarmen sóılestik. Olar aqkóńil, shyndyqty jasyryp qalýdy bilmeıdi, ózderine qalaı qaraıtynyn aıtyp, oıynshyqtarynyń qaı jerde uıyqtaıtynyn kórsetti. Balalar ózderin jaqsy sezinedi, baılanysqa qıyndyqsyz shyǵady, bóten adamdardan qoryqpaıdy. Jáne bul ortalyq muǵalimderi men dárigerleri jumysynyń mańyzdy kórsetkishi, – deıdi kóp balaly ana, «Aq ulpa analary» qoǵamdyq birlestiginiń Semeı qalalyq fılıalynyń jetekshisi Anar Súleımenova.

– 32 qyzmetker túrli baǵyttar boıynsha biliktiligin arttyrdy, - dep atap ótti komıssııada. - Ortalyqtyń ǵımaraty 1954 jyly salynǵan, sondyqtan ekinshi qabattan pandýs bekitý múmkindigi bolmady. Jergilikti bıýdjet esebinen múgedekter arbalaryn 1-qabatqa túsirýge múmkindik beretin jabdyq satyp alyndy.

Jalpy, qurylys aıaqtalǵannan keıin kóshege tikeleı shyǵa alýy úshin pallıatıvti topqa jatatyn jáne kishkentaı balalar 1-shi qabatta ornalasady.

Qazir ortalyqtyń eń qıyn, pallıatıvti tobynyń tárbıelenýshileri úmitsiz naýqastardyń da taǵdyryn jeńildetýge kómektesetin jańa kópfýnksıonaldy kereýettermen qamtamasyz etildi. Árıne, bul týraly aıtý óte aýyr, biraq ondaı balalar da bar jáne ortalyq mamandary olardyń ómirin jaıly etý úshin qoldan kelgenniń bárin jasaýda.
Jóndelgen balalar sport alańyndaǵy qumsalǵyshtar men basqa da zattar múgedekter arbasyna arnalǵan arnaıy «tásildermen» jabdyqtalǵan. Jalpy, búginde ortalyq, ondaǵy balalardyń aýrýlarynyń aýyrlyǵyna qaramastan, eń jaǵymdy áser qaldyrady.

Másele jańa jabdyqta jáne júrgizilip jatqan qurylystarda ǵana emes, sonymen qatar ortalyq qyzmetkerleriniń de, onyń tárbıelenýshileriniń de sheksiz optımızmi men jaqsy minezine baılanysty.

– Iıa, shynymen de, mundaı tekserýler kóp ýaqytty alady, óıtkeni bul «ekskýrsııa» ǵana emes, sonymen qatar úlken kólemdegi qujattar tekserýdi talap etedi. Al, qyzmetkerler bolsa osy ýaqyttaryn balalarmen aınalysýǵa jumsaı alatyn edi. Sonymen qatar, qoǵamdyq monıtorıng únemi júrgizilip otyrýy kerek. Qazir ortalyqta barlyq kemshilikter joıylyp, erekshe balalardyń ómir súrý sapasyn odan ári jaqsartýǵa baǵyttalǵan jumystar jalǵasýda. Bul ortalyq aımaq jurtshylyǵynyń jiti baqylaýynda bolady, - dedi Olga Kýzovleva, múgedekterge arnalǵan saraptama tobynyń tóraǵasy.