• USD 424.85

  • EUR 504.21

  • RUB 5.84

  • CNY 65.86

27 Qarasha, 14:51:36
Almaty

Prezıdent Qasym-Jomart Toqaev Memlekettik qyzmet isteri agenttiginiń tóraǵasy Anar Jaıylǵanovaǵa birqatar tapsyrma berdi. Bul týraly Aqorda saıty habarlady.

Agenttik tóraǵasy memleket basshysyna 2021 jyldyń basynda ótetin prezıdenttik kadr rezerviniń ekinshi irikteýine daıyndyq jumystary týraly aqparat berdi.

Anar Jaıylǵanovanyń aıtýynsha, irikteýden 50 adam ótedi. Sondaı-aq ol úmitkerlerge qoıylatyn krıterııler men biliktilik talaptarynyń kúsheıtilgenin atap aıtty.

Rezervti jasaqtaý kezinde qoǵamdyq múddelerdi negizge alatyn tulǵalarǵa basymdyq berilip, ózgerister jóninde naqty tájirıbesi bar zamanaýı basshylardy anyqtaýǵa mán beriledi.

Memleket basshysy óz sózinde eń úzdik úmitkerlerdi tańdaý úshin irikteý jumystaryn sapaly ári ashyq ótkizýdiń mańyzdy ekenin atap ótti.

Sonymen qatar agenttik tóraǵasy memlekettik qyzmetke irikteý júıesin jetildirý isine de toqtaldy.

Onyń aıtýynsha, osy baǵyt aıasynda basshylyq jáne atqarýshylyq qyzmetterge qoıylatyn quzyretterdi anyqtaý úshin testileý emes, suhbat ótkizý usynylyp otyr. Bul irikteýdiń sapasyn arttyrýǵa múmkindik beredi.

Ol prezıdentke memlekettik apparatty qysqartý, memlekettik saıası qyzmetti kásibılendirý, memlekettik basqarý úderisin sıfrlandyrý jónindegi jumystar týraly da aıtty.

Kezdesý sońynda Qasym-Jomart Toqaev agenttik jumysynyń negizgi baǵyttary boıynsha tapsyrmalar berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir