Almaty oblysy ákiminiń qoldaýymen Taldyqorǵan qalasynyń Saltanat saraıynda aýyldyq mádenıet úıleri, murajaılar men kitaphanalar arasyndaǵy "Aýylym-altyn besigim"oblystyq baıqaýynyń jeńimpazdaryn marapattaý rásimi ótti.

Baıqaý Elbasynyń "Rýhanı jańǵyrý" baǵdarlamalyq maqalasy aıasynda, halyqtyń rýhanı jáne estetıkalyq suranystaryn qanaǵattandyrý, qalalyq, aýdandyq mádenıet úıleri men aýyldyq klýbtardyń atqaratyn mádenı qyzmetin nasıhattaý jáne damytý maqsatynda uıymdastyryldy.

Shyǵarmashylyq jarysqa qatysýshylardy oblys ákiminiń orynbasary Rýstam Álı quttyqtady.

"Elbasynyń" Rýhanı jańǵyrý "maqalasyn jáne Prezıdent Qasym-Jomart Toqaevtyń" syndarly qoǵamdyq dıalog – Qazaqstannyń turaqtylyǵy men órkendeýiniń negizi " Joldaýyn iske asyrý maqsatynda oblys basshylyǵy mádenıet salasyn damytýǵa úlken kóńil bóledi. Amandyq Batalovtyń qoldaýymen "Aýylym-altyn besigim" baıqaýy 2017 jyldan beri ótkizilip keledi. Al bıyl Elbasynyń "Rýhanı jańǵyrý" baǵdarlamasy aıasynda óńirde mádenıet salasynda 26 joba bekitilip, 9 joba iske asyryldy. Búgingi tańda 3000-ǵa jýyq is-shara uıymdastyryldy, olardy iske asyrýǵa 889,4 mıllıon teńge baǵyttaldy. Jetisý óńirinde mádenıetti damytýǵa 13 mıllıardtan astam teńge bólindi. "Aýyl - el besigi" baǵdarlamasy aıasynda 4 mádenıet úıin kúrdeli jóndeýge 1,1 mıllıard teńge, materıaldyq - tehnıkalyq bazany jańartýǵa 328 mıllıon teńgeden astam qarajat bólindi", - dedi Rýstam Álı.

Bul Almaty oblysynda mádenıet salasynda júrgizilip jatqan jumystardyń az ǵana bóligi. Atalmysh  baıqaý mádenı mekemelerdiń aýqymdy jumysyn kórsetti. 2020 jyly is-sharaǵa 20 mádenıet úıi men klýb, 20 aýyldyq kitaphana, 10 murajaı qatysyp, úzdikterge baǵaly syılyqtar usynyldy.

Saıys talaptaryna sáıkes 15 aýyldyq mádenıet úıi jáne 2 klýb dybystyq apparatýramen marapattaldy. Kompıýterler 3 aýyldyq mádenıet úıi, 5 kitaphana jáne 10 murajaıǵa syıǵa tartyldy. "Nomınanttardyń jumysy 10 shart  boıynsha baǵalanady, olardyń ishinde materıaldyq - tehnıkalyq bazany jabdyqtaý, mekemeni abattandyrý, qujattama, buryn júrgizilgen jumys, úıirmelerdiń ártúrliligi, kelýshiler sany, jergilikti halyqpen jumys isteý jáne ótkiziletin mádenı is - sharalar",-dedi mádenı–demalys jumystaryn uıymdastyrý jáne halyq shyǵarmashylyǵy bóliminiń meńgerýshisi Asqar Nurmyhambetov.

2017 jyldan bastap aýyl mádenıetin jańǵyrtý, materıaldyq-tehnıkalyq bazany nyǵaıtý maqsatynda aýyldyq mádenıet úıleri men klýbtar arasynda "Aýylym – altyn besigim"baıqaýy ótkizilýde. 4 jyl ishinde baıqaýǵa 116 aýyldyq mádenıet úıi men klýbtar, 20 aýyldyq kitaphana, 10 murajaı qatysyp, olarǵa saltanatty túrde 57 kompıýter, 67 dybystyq apparatýra berilip, 7 mln 200 myń teńge aqshalaı sertıfıkattar tabystaldy.

Ilmek sózder: aýylym-altyn besik

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir