Parlament prezıdentke jańa ókilettilik berýdi kózdeıtin zańǵa túzetý engizdi

Qazaqstan parlamenti el prezıdentine jańa ókilettik berýdi kózdeıtin "ákimshilik-aýmaqtyq qurylym týraly" zańǵa túzetýler engizdi.

Senattyń beıindi komıtetinde zań jobasynyń maqsaty ákimshilik-aýmaqtyq qurylym salasyndaǵy zańnamany jetildirý bolyp tabylatynyn atap ótti.

Zań jobasyna sáıkes, prezıdentke tómendegideı ókilettilikter berý kózdelgen:

- qaladaǵy aýdandardy eldi mekenderdiń quramdas bólikterine jatqyzý;

- halyq sany 400 myńnan astam adam bolǵan kezde oblystyq mańyzy bar qalada, respýblıkalyq mańyzy bar qalada, astanada aýdan qurý;

- aýdandyq mańyzy bar qalanyń, kenttiń jáne aýyldyń ólshemderin naqtylaý;

- Prezıdentke Úkimettiń usynýy boıynsha jáne jergilikti ókildi jáne atqarýshy organdardyń pikirin eskere otyryp, respýblıkalyq, oblystyq jáne aýdandyq mańyzy bar qalalardy ózge eldi mekenderge qaıta qurý jóninde sheshim qabyldaý jóninde ókilettik berý;

Úkimetke respýblıkalyq, oblystyq jáne aýdandyq mańyzy bar qalalardy ózge eldi mekenderge qaıta qurý týraly usynys engizý jóninde jańa quzyret berýdi usynady.

Sondaı-aq túzetýlermen oblystyq ókildi jáne atqarýshy organdarǵa oblystyq jáne aýdandyq mańyzy bar qalalardy ózge eldi mekenderge qaıta qurý týraly usynysty úkimetke engizý jóninde jańa ókilettik berý, sondaı-aq aýdandyq mańyzy bar qala ákimine aýdandyq mańyzy bar qalany kent sanatyna jatqyzý týraly usynysty aýdandyq ókildi jáne atqarýshy organdarǵa engizý jóninde ókilettik berý kózdeledi.

Senatorlar "ákimshilik-aýmaqtyq qurylym týraly" Zańǵa túzetýlerdi biraýyzdan qabyldady.