03 Jeltoqsan, 2020 Áleýmet
Foto: ashyq derekkóz
Senatta Qasym-Jomart Toqaevtyń QR Joǵarǵy sotynyń sýdıalary laýazymyna usynymdary qaraldy. Bul týraly senate.parlam.kz saıty habarlady.
2 jeltoqsandaǵy otyrys qorytyndysy boıynsha Joǵarǵy sot sýdıasy laýazymyna kandıdatýralardy Palatanyń qaraýyna engizý týraly sheshim qabyldanǵan. Búgin senatorlar Qazaqstan prezıdenti usynǵan Joǵarǵy Sottaǵy jańa kandıdatýralardy maquldady.
Osylaısha senat depýtattary Joǵarǵy sottyń eki jańa sýdıasyn saılaıdy.
– Joǵarǵy sottyń sýdıalary laýazymyna Aqtóbe oblystyq sotynyń tóraǵasy Abdolla Sáken jáne astanalyq sottyń sýdıasy Omarbekova Mádenıet Jaqanqyzy usynyldy. Kandıdattardyń ortasha sýdıalyq tájirıbesi 22 jyldan asady, ekeýi de Joǵarǵy sottyń sýdıalary retindegi jaýapty jáne kúrdeli jumysqa tolyq daıyn.
Sondaı-aq, Dúısenbaev Qaharman Bazarbekuly qyzmetinen ketip, onyń ótinishi qanaǵattandyryldy, – dedi Joǵarǵy sot keńesiniń tóraǵasy Talǵat Donaqov Senattyń jalpy otyrysynda.
Abdolla Sáken – 1964 jyly týǵan, zańgerlik bilimi bar. Zań ǵylymdarynyń kandıdaty.
Omarbekova Mádenıet Jaqanqyzy – 1965 jyly týǵan, joǵary zań bilimi. Zań ǵylymdarynyń kandıdaty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir