• USD 424.85

  • EUR 504.21

  • RUB 5.84

  • CNY 65.86

19 Qazan, 18:13:31
Almaty
+15°

Almaty oblysynyń ákimi Amandyq Batalov qazaq ónerine, onyń ishinde, kıno áleminde aıshyqty iz qaldyryp, "Taqııaly perishte" atanyp ketken Álimǵazy Raıymbekov pen Gúljaýar Aıtjanqyzyn qabyldap, akter atamyzdy 85 jasqa tolǵan mereıtoıymen quttyqtady. Bul týraly "Jetisý" gazeti málimdedi.

Kezdesýde Amandyq Ǵabbasuly:

– Búgin erekshe kún. О́ıtkeni, oblysymyzdyń Qurmetti azamaty, QR Mádenıet qaıratkeri, esimi elge tanymal Álimǵazy atamyzdyń mereıtoıy. Ulttyq kınony damytý jolynda eleýli úles qosqan atamyzdy týǵan kúnimen shyn júrekten quttyqtaımyn! Aqyldyń keni, danalyqtyń kózi bolǵan jannyń orny qashanda erekshe. Siz túsken fılmderdiń barlyǵy qazaq kınosy tarıhynyń altyn qorynan oryn aldy. Sonyń ishinde «Taqııaly perishte» fılminde somdaǵan Taılaqtyń róli akterlik sheberligińizdiń shyńyna shyqqan, qazaq kınosynyń eń úlken róli ekenin maqtanyshpen aıtamyz. Búginde qartaıdym demeı, qoǵamdyq sharalarǵa belsene qatysyp, bolashaq jastarǵa rýhanı tárbıe berip júrgen aqylshy jansyz. Tamyryn tereńge, japyraǵyn keńge jaıǵan saıaly báıterekteı urpaǵyńyzben órkendep, úlken áýlettiń abyz aqsaqaly bolyp otyrsyz. Táýelsiz elimizdiń ıgilikti isterine, jemisti jyldaryna kýá bolyp, aramyzda aman-esen júrińiz, – dep izgi tilegin bildirip, Álimǵazy atamyzǵa shapan jaýyp, Gúljaýar ájemizge kamzol kıgizdi.

Osydan keıin sóz kezegin alǵan mereıtoı ıesi:

– Mereıtoıymmen quttyqtap, qurmettep shaqyrǵan oblys ákimine sheksiz rızashylyǵymdy bildiremin. Meniń belgili akter bolǵanym Sháken Aımanov, Abdolla Qarsaqbaev sııaqty rejısser aǵalarymnyń arqasy. Aǵalarym salǵan sara jolmen júrdim. Bolashaqta da aımaǵymyzdan elge tanymal myqty kıno juldyzdary shyǵa bersin. Kez kelgen salada abyroıly bolý úshin qajyrly eńbek kerek. Sondyqtan, jumystaryńa tabys tileımin. Elimiz aman, jurtymyz tynysh bolsyn. Jetisý jyl sanap túrlene bersin, – dep aqjarma tilegin aqtaryp, aq batasyn berdi.

 

Kezdesý sońynda jınalǵan qaýym ata saltyn umytpaǵan, din men dástúrdi ulyqtaǵan atamyzdy quttyqtap, júrekjardy lebizderin bildirdi.

 

"Qamshy" silteıdi
Ilmek sózder: ttaqııaly perishte

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir