Adam quqyqtary jónindegi Eýropalyq sot 6 qazanda Qarabaq qaqtyǵysyna baılanysty Túrkııaǵa qarsy ýaqytsha sharalar qoldaný týraly sheshim qabyldaǵan. Endi jaldamalylardy Qarabaqqa aýystyrý máselesi boıynsha sot Túrkııaǵa "raqymshylyq jasap", kerisinshe Ázerbaıjandy "jazalaýy" múmkin. Bul týraly armeniasputnik.am saıty habarlady. 

Adam quqyqtary jónindegi Eýropalyq sot (budan keıin AQES – red.) radıkaldardyń Qarabaqtaǵy qaqtyǵys aımaǵyna aýysýyna baılanysty Túrkııaǵa qarsy ýaqytsha sharalar qabyldanǵanyn jarııalaǵan bolatyn. AQES-tiń Armenııadaǵy ókildigi feısbýk paraqshasynda osyǵan qatysty málimet usyndy. 

Habarlamada Armenııa, Reseı jáne Ázerbaıjan basshylarynyń Qarabaqtaǵy atysty toqtatý týraly birlesken málimdemesi negizinde 17 qarasha kúni Túrkııa Eýropalyq sotqa sheshimniń kúshin joıý týraly ótinish bergeni jazylǵan.

1 jeltoqsanda AQES Ankaranyń apellıasııalyq shaǵymyn qaıta qarap, Túrkııaǵa qarsy ýaqytsha sharalardy joıdy. Al Ázerbaıjanǵa qarsy ýaqytsha sharalar kúshinde qalady.

Buǵan deıin, armıan saıttarynda Túrkııa Qarabaq pen Armenııaǵa qarsy paıdalaný maqsatynda Sırııanyń soltústiginen jaldamaly terrorısterdi Ázerbaıjanǵa ótkizgeni týraly aqparat tarady. Bul derekti halyqaralyq buqaralyq aqparat quraldary jáne sheteldik quqyq qorǵaý uıymdary ǵana emes, sonymen qatar Sırııa, Fransııa, Reseı, AQSh, t.b. bılik ókilderi rastaǵan. Atalmysh aqparat negizinde Armenııa sotqa júgindi. 5 qazanda AQES Armenııa úkimetinen Taýly Qarabaqtaǵy jaǵdaıǵa baılanysty Túrkııaǵa qatysty ýaqytsha sharalar qabyldaý týraly 39-norma negizinde ótinish qabyldady. Sot 29 qyrkúıektegi ýaqytsha sharalardy qoldaný týraly sheshimdi ózgerissiz qaldyrdy jáne qaqtyǵysqa tikeleı nemese janama qatysýshy barlyq elderdi, sonyń ishinde Túrkııany, Eýropalyq konvensııaǵa sáıkes, beıbit turǵyndardyń quqyqtaryn buzbaýǵa shaqyrdy. 

Armenııanyń syrtqy ister mınıstrligi halyqaralyq jáne aımaqtyq qaýipsizdik pen turaqtylyqqa eleýli qaýip tóndiretin EQYU aýmaǵynda ornalasqan qaqtyǵys aımaǵynda Taıaý Shyǵystan sheteldik terrorıster men jıhadshylar ornalastyrylǵan kezde terrorızm taralýynyń múldem jańa kórinisi bar dep málimdedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir