Májilis depýtaty Nurjan Áltaev "Nur Otan" partııasy qatarynan shyǵarylyp, depýtattyq ókilettigi toqtatyldy. Bul týraly ortalyq saılaý komıssııasynyń resmı saıty habarlady.

"QR parlamenti májilisiniń depýtaty Nurjan Baýyrjanuly Áltaevtyń ókilettigi onyń "Nur Otan" partııasynyń qatarynan shyǵarylǵany týraly "Nur Otan" partııasy Nur-Sultan qalasy fılıalynyń saıası keńesi bıýrosynyń 2020 jylǵy 30 qarashadaǵy №1 qaýlysyna baılanysty toqtatylsyn" delingen resmı habarlamada.

Májilis depýtaty Pavel Kazansevtiń aıtýynsha, "Nur Otan" bedelin túsiretin ári onyń múddesine nuqsan keltiretin is-áreketter jasaǵany úshin N. Áltaevty partııa qatarynan shyǵarýdy "Nur Otan" partııasy Nur-Sultan qalasy fılıalynyń saıası keńesi bıýrosyna usyný sheshimi biraýyzdan qabyldandy. 

– "Nur Otan" partııalyq baqylaý komıtetiniń otyrysy ótti. Onda partııa múshesi Nurjan Áltaevtyń partııa jarǵysy men partııa múshesiniń etıka kodeksin saqtaýy máselesi qaraldy, – dep jazdy májilis depýtaty óziniń áleýmettik jelidegi paraqshasynda.

Eske sala keteıik, Nurjan Áltaev byltyr 13 aqpanda parlament májilisiniń depýtaty bolǵan. Sol kezde ol parlamenttiń tómengi palatasynyń agrarlyq máseleler komıtetiniń quramyna kirgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir