Qazaqstannyń eks-prezıdenti Nursultan Nazarbaev Qazaqstan telearnasynda kórsetiletin "Túrkistan: kóne men keleshek kópiri" fılminde el astanasyn Túrkistanǵa kóshirý múmkin degen qaýesettiń negizi joq ekenin aıtty.

Jýrnalıst Nazarbaevtan sońǵy kezde áleýmettik jelilerde el astanasyn Túrkistanǵa kóshirý múmkin dep taratylyp júrgen qaýesettiń negizi bar-joǵyn surady.

– Onyń negizi joq. Biraq olaı aıtýdyń jóni bar ǵoı endi. Ásirese sol jaqta turatyn, Túrkistannyń jaǵdaıyn biletin adamdar solaı dep oılaıtyn shyǵar. Árıne, tarıhy óte úlken. Qoja Ahmet Iаsaýı musylmandyqty osy jerge ýaǵyzdaǵan. Bul túrik dúnıesiniń, túrki tektes adamdardyń musylman dinine ulasty. Adamdardyń Túrkistandy syılaıtyny, jaqsy kóretini sondyqtan. Ásirese Túrkııadan báriniń kelgisi keledi, kórgisi keledi. Sol sebepti el astanasy bolsa degen oılary bar shyǵar, – dedi ol.

Nursultan Nazarbaev qazirgi astana Nursultan qalasyn ári qaraı damytatynyn atap aıtty.

– Ári qaraı myna astanamyzdy ulǵaıtamyz. 200 myńdaı adamy bar burynǵy Aqmola qazir bir mıllıon 200 myńy bar shahar boldy. Nursultan degen at boldy. Men ózim muny usynǵan joqpyn. Biraq qarsy da bolmadym. Sebebi árbir astananyń árbir tasy, túri, ǵımaraty meniń nusqaýymmen, meniń qatynasýymmen salyndy. Sondyqtan biz ózimizdiń osy Nursultan qalasyn damytamyz, – dedi eks-prezıdent.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir