ShQO-da Tuńǵysh Prezıdent kúni atap ótilýde

Mereke qarsańynda Shyǵys Qazaqstanda áleýmettik nysandar saltanatty túrde ashyldy. Sonymen qatar, 150-den astam otbasy jańa úılerde qonys toıyn toılady.
Ulttyq aýqymdaǵy mereke memlekettiń qalyptasýyna qýatty serpin bergen tarıhı oqıǵany eske salady. Sebebi, dál osy kúni 29 jyl buryn qazaqstandyqtar alǵash ret búkilhalyqtyq saılaý nátıjesinde el Prezıdentin saılaǵanyn jaqsy bilemiz. Kóregen ári dana saıasatynyń arqasynda Nursultan Nazarbaev memleketti ekonomıkalyq órkendeýge alyp keldi, ulttyq kelisimdi, tarıhı jáne mádenı dástúrlerdi saqtap qaldy.
Jyl saıyn Tuńǵysh Prezıdent kúni qarsańynda elimizde saltanatty is-sharalar ótkizilip, áleýmettik jáne mádenı obektiler paıdalanýǵa beriledi.
Shyǵys Qazaqstanda ataýly kún qarsańynda oblys ákimi Danıal Ahmetov oblys ortalyǵynda kópbalaly otbasylarǵa, jetim balalarǵa, sondaı-aq kezekte turǵandarǵa 30 jańa páterdiń kiltin tabys etti.
Kýrchatov qalasynda 14 kóp balaly ana jańa páter kiltine ıe boldy, áleýmettik osal sanattaǵy taǵy 16 otbasy Besqaraǵaı aýdanynda jańa úılerde turýǵa múmkindik aldy. Zaısan aýdanynda 36 kópbalaly otbasy qonys toıyn toılaýda, olar úshin bir qabatty «Shyǵys» baǵdarlamasy aıasynda úıler salyndy.
Mereke qarsańynda Jarma aýdany Jańǵyztóbe kentiniń turǵyndary da qýanyshqa keneldi. Onda aýyl klýby men demalys saıabaǵy ashyldy. Al Tuńǵysh Prezıdent kúnine oraı Kókpekti aýdanynyń turǵyndary úshin kópten kútken dene shynyqtyrý-saýyqtyrý kesheni ashyldy.
Búgin, mereke kúni, óńirde birneshe sport nysandary ashyldy. Abaı aýdanynda, Qaraýyl aýylynda hokkeı korty iske qosyldy, onda balalar tek hokkeı oınap qana qoımaı, konkı tebe alady. Sondaı-aq, jaqyn arada paıdalanýǵa berilgen sport mektebi jumys isteı bastaıdy. Aıagóz aýdany Aqtoǵaı kentinde dene shynyqtyrý-saýyqtyrý kesheni paıdalanýǵa berildi. Jarma aýdanynyń Birlik aýylynda jańa sport alańy ashyldy. Ulan aýdany Mamaı Batyr aýylynda jańa kópir paıdalanýǵa berildi.
Katonqaraǵaı aýdanynda 20 otbasy «Jumyspen qamtý jol kartasy» aıasynda, sondaı-aq qaryz alýshylar esebinen salynǵan úılerdiń kiltterin aldy. Kishinaryn jáne Maıemer aýyldarynda aýyldyq klýbtar, al Úlken Naryn aýylynda Abaı atyndaǵy skver ashyldy.
Jarma aýdanynda kezekte turǵan 50 otbasy merekege oraı jańa páterlermen qamtamasyz etildi. Al Borodýlıha aýdanynda 4 kópbalaly otbasy baspanaly boldy. Altaı aýdanynda turatyn 6 otbasy «Qoljetimdi baspana» baǵdarlamasy aıasynda salynǵan jańa bir qabatty úılerge qonystandy.
Jalpy, bıylǵy jyly koronavırýs pandemııasyna qaramastan, Shyǵys Qazaqstanda mereke Nursultan Nazarbaevtyń el aldyndaǵy erekshe eńbegi men jarqyn isterin kórsete otyryp, atap ótildi.