Foto: almaty.gov.kz
Almaty qalasynyń ákimi Baqytjan Saǵyntaev qalanyń Kásipkerler palatasy О́ńirlik keńesiniń onlaın-otyrysyna qatysty. Otyrys barysynda shaǵyn jáne orta bıznesti damytýdyń ózekti máseleleri kóterildi.
Otyrysta karantındik shekteýler rejımindegi ShOB qyzmetine qatysty problemalyq máseleler kóterilip, damýdyń perspektıvalyq baǵyttary, sondaı-aq bılik organdarymen ózara is-qımyl qarastyryldy.
Kezdesý barysynda Almaty qalasynyń О́ńirlik keńesiniń tóraǵasy, «Ýchet» kompanııalar tobynyń jetekshisi M. Baryshev kásiporyndardyń qyzmetin qalpyna keltirý perspektıvalary týraly aıtty. Sonymen qatar, kezdesýge qatysýshylar monıtorıngtik toptardyń qyzmeti, shyǵarmashylyq ındýstrııa men mektepke deıingi bilim berýdi damytý, pandemııa kezindegi týrızm, avtobýs parkteriniń jumysy jáne basqalaryn talqylady.
Megapolıs ákimi B. Saǵyntaev barlyq kóterilgen máselelerdiń qarastyrylatynyna sendirdi. Onyń aıtýynsha, keler jylǵa jospar quryp, olardy naqty jáne progressıvti sheshý úshin ondaǵy maqsattar men mindetterdi belgileý qajet.
Otyrysqa qalanyń Bas memlekettik sanıtarlyq dárigeri J. Bekshın, ákimdik basqarmalarynyń basshylary, О́ńirlik keńes músheleri, kásipkerler jáne Almaty qalasy Kásipkerler palatasynyń basshylyǵy qatysty.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir