Qazaqstan Respýblıkasynyń tuńǵysh prezıdenti kúnine oraı Almaty oblysy ákimdiginde saltanatty jıyn ótti. Bul týraly Almaty oblysy ákimdiginiń baspasóz qyzmeti habarlady. 

Oblys basshysy Amandyq Batalov óz sózinde N.Nazarbaevtyń el ekonomıkasyn aıaǵynan nyq turǵyzýy, halyqtyń ál-aýqatyn kóterýge baǵyttalǵan kóptegen memlekettik baǵdarlamalar túzip, olardy kezeń-kezeńimen iske asyrýy, jańa astanany salýy, Qazaqstandy syrtqy saıasatta bedeldi memleketke aınaldyrýy, kórshi eldermen dostyq qarym-qatynas ornatýy – osynyń bárin uzaq jyldarǵa jasalǵan úlken strategııalyq jospardyń jemisi ekenin alǵa tartty.

Táýelsizdik alǵan alǵashqy jyldarda qandaı qıynshylyq bolǵanyn kópshiligińiz jaqsy bilesizder. Sol kezderde men Almaty qalasyndaǵy Jetisý aýdanyna basshylyq ettim. Aýdanǵa qarasty 57 kásipory bar edi, sonyń túgelge derligi toqtap, elge zeıetaqy, jalaqy berýdiń ózi qıyndap ketken bolatyn. Sol kezeńderde Elbasy túrli sala mamandarymen, qarapaıym halyqpen kezdesip, sál shydamdylyq tanytsaq, bereke-birlikte bolsaq, bul qıyndyqty da eńseretinimizdi aıtyp, ár júrekke úmit berip edi. Rasynda da sol jemisti jyldarǵa ushan-teńiz eńbektiń arqasynda qol jetkizdik. Búgingi kúni irgemiz berik, shekaramyz anyq, halqymyz beıbit ómirdiń arqasynda berekeli tirlik keship keledi. Tynyshtyq – turaqtylyqtyń kepili bolyp otyr. 

Saryarqa tórindegi jańa astananyń bas sáýletshisi bolǵan Elbasynyń Almaty oblysynyń ortalyǵyn Taldyqorǵanǵa kóshirý týraly Jarlyq shyǵarýy da erekshe tarıhı sheshim boldy. Qazir de Tuńǵysh Prezıdent eldik maqsat-múddege baǵyttalǵan isterde bizge jol kórsetip, árdaıym qoldaý tanytyp keledi. Sol sebepti de bıylǵy jyl koronavırýs indetiniń taralýyna baılanysty qıyndyqtarǵa toly bolǵanyna qaramastan, oblys jyldy jaqsy kórsetkishtermen aıaqtaǵaly otyr. Qazirgi kezde óńir ekonomıkasyna 700 mlrd. teńgedeı ınvestısııa tartyldy. Jyl sońyna qaraı aýyl sharýashylyǵyndaǵy jalpy ónim kólemi 1 trln. teńgeden asady. Sonyń nátıjesinde halyqtyń ál-aýqaty artyp keledi. Bul – Elbasynyń jáne Prezıdentimiz Qasym-Jomart Toqaevtyń eń basty tapsyrmalary, – dep atap ótti A. Batalov.

Munan soń oblys basshysy elimizben qatar Almaty oblysynyń da ósip-órkendep kele jatqanyn tilge tıek etti. Jetisý jeri Elbasynyń týǵan jeri ekenin oblys turǵyndary maqtan etetinin aıtty. 

Aıta keteıik, 2011 jyldyń 10 jeltoqsanynda "1 jeltoqsan – Tuńǵysh prezıdent kúni" merekesi bolyp bekitildi. 1991 jyldyń dál osy kúni jalpyhalyqtyq prezıdent saılaýynda Nursultan Nazarbaev jeńiske jetip Táýelsiz Qazaqstannyń tuńǵysh prezıdenti atandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir