• USD 468.56

  • EUR 497.56

  • RUB 7.3

  • CNY 67.18

29 Naýryz, 17:40:08
Almaty
+35°
 
Túrli baǵalaý kórsetkishterine saı, Qazaqstanda jumys isteıtin azamattardyń 20 paıyzynan 70 paıyzyna deıin kedeı turady. Ekonomıkada "Jumys isteıtin kedeıler" túsinigi bar. Tabysy iship-jeýine jete bermeıtin resmı jumys isteıtin azamattar osylaı atalady. Mamandar munyń sebebin bıýdjettik saladaǵy jalaqy mólsheriniń tómendigimen túsindiredi. Al jeke sektor jalaqy taǵaıyndaýda osyǵan saı baǵyt ustanady. Bul týraly KIPR analıtıka tobynyń sarapshylary málim etti, dep jazady 365info.kz.

Saıasattanýshy Marat Shıbutov "jumys isteıtin kedeılerge" resmı jumys isteıtin, salyq tóleıtin biraq medıan jalaqynyń úshten ekisin alatyn adamdy jatqyzdy.

– 2020 jyly medıan jalaqy 140 myń teńge. Bul somanyń úshten ekisi 100 myń teńgegeniń mańaıy. Is júzinde mundaı adamdardyń jalaqysy eń qajet nársege ǵana jetedi, qalǵanyn nesıege alýǵa týra keledi, – deıdi ol.

Shıbutov Qazaqstan qoǵamyna tán áleýmettik faktorǵa nazar aýdardy.

– Bizde asabalar birneshe saǵatta 200-400 myń teńge, medbıkeler kúni boıy jumys istep aıyna 100 myń teńge tabýy múmkin. Sonda asaba jumysynyń quny joǵary bolyp tur ma? Pandemııada neniń mańyzdyraq ekenin kórdik qoı. Karantınde asabalar jumys istemeı qalǵannan eshkimge zııan kelgen joq. Al medısına qyzmetkerleriniń jetispeýinen adamdar ólip jatty. Naryqta osyndaı tómengi jalaqynyń bolýyna memleket kináli. Anyǵynda bıýdjet qyzmetkerleriniń tarıf setkasy kináli, –  degen ol "jumys isteıtin kedeılerdiń" deni bıýdjettik sala qyzmetkerleri ekenin atap ótti.

Sózinshe, jeke kásipkerler memlekettik eńbekaqynyń tómendigin kórip, qyzmetkerine artyq tólegisi kelmeıdi. Sondyqtan bıýdjet qyzmetkerleri jalaqysy tikeleı kóterilýi kerek, bolmasa túrli áleýmettik jeńildik jasalýy qajet.

Májilis depýtaty Aıqyn Qońyrovtyń esebinshe, ekonomıkalyq belsendi halyqtyń 70 paıyzy kedeı turady. Bul shamamen 5-6 mln adam.

Depýtat Qazaqstandaǵy ortasha jalaqy dollarǵa shaqqanda 12 jylda bolmaǵan tómen kórsetkishke deıin túsip ketkenin aıtty.

– Tutyný taýarlarynyń basym bóligi shetelden jetkizilip, dollarmen eseptesetindikten, turǵyndar arasynda satyp-alý qabileti tómendegen, – dedi ol.

Áleýmettanýshy Gúlmıra Ileýova "2000 jyldardyń basynda balalardyń jarqyn bolashaǵyna degen úmit bar edi" deıdi.

– "Qınalsaq, biz qınalaıyq, balalarymyz óskende baı bolady" dep oılaıtynbyz. Biraq qazirdiń ózinde kedeıtikte týǵandar joǵary ómir súrý deńgeıine kóterile almaıtyny belgili boldy. Bizdi kedeılik sharpyp barady. Olar aldyna úlken maqsat qoıa almaıdy. Memleket kezinde biz zorǵa shyqqan batpaqqa qaıtadan batyp barady, – dep atap ótti ol.

KIPR tobynyń jetekshisi Erlan Smaılov "tómengi jalaqyny kóterýge bıýdjette qarjy joq emes bar, tek olar durys jumsalmaıdy" dep sanaıdy.

Onyń pikirinshe, memlekettik kompanııalardyń shyǵynyn ońtaılandyryp, bankterdi qutqarý doǵarylsa, qarjy jetpek túgili, artylyp qalady. Sondyqtan áýeli turǵyndardyń ál-aýqatyn jaqsartý kerek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir