• USD 468.56

  • EUR 497.56

  • RUB 7.3

  • CNY 67.18

28 Naýryz, 15:53:51
Almaty
+35°

Tuńǵysh prezıdent Nursultan Nazarbaev halyqaralyq qaýipsizdik jáne jahandyq ıadrolyq dıalogty qaıta bastaý máseleleri boıynsha halyqaralyq onlaın konferensııaǵa qatysty.

– COVID-19 pandemııasy daǵdarysqy ushyratty. Biraq adamzat óz tarıhynda mundaı deńgeıdegi tegeýrindermen buryn da kezdesip, jeńip keledi. Halyqaralyq birlestikter bul stres-testten de aman ótip, bul joldy jeńimpaz retinde basyp ótetinine senimdimin. Qurmetti dostar! Bıyl álem tragedııalyq datany atap ótti. Osydan 75 jyl buryn ıadrolyq qarý birinshi ret jarylǵan bolatyn. Sodan beri adamdardyń birneshe býyny ósip jetilip, Hırosıma men Nagasakı apatyn esten shyǵara bastady. Alaıda jahandyq ıadrolyq arhıtektýraǵa júrgizilgen taldaý jaǵdaıy bul burys ári qaýipti jol ekenin kórsetip otyr, – dep atap ótti elbasy.

Nazarbaev syrtqy saıasattaǵy jumysynyń birshama bóligin – ıadrolyq qarýdan erkin ıdeıasy men jetistigine arnaǵanyn aıtty.

– Olaı etýimniń sebebi birinshiden, Qazaqstan ıadrolyq qarý synaǵynyń búkil qaıǵy-qasiretin sezine bilgen memleket. Semeıdegi polıgonnan meniń 1,5 mıllıonǵa jýyq otandasym zardap shekti. Meniń jarlyǵym boıynsha álemdegi eń iri polıgondardyń biri 1991 jylǵy 29 tamyzda jabyldy. Bul sheshim – ıadrolyq synaqtarǵa zańdy túrde tyıym salatyn adamzat tarıhyndaǵy eń alǵashqy sheshim bolatyn. Keıin basqa memleketter de óz polıgondaryn japty. Osylaısha meniń elimniń úlgisin basqa elderde de qoldap, bul bastama jahandyq sıpatqa ıe boldy. Sonymen qatar bul sheshim 1996 jyly bárine ıadrolyq synaqtarǵa jappaı tyıym salǵan kelisimge negiz boldy, – dedi ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir