30 Qarasha, 2020 NEWS

Balany qatigezdikpen óltirgen soldat: Qytaı jalǵan aqparat taratty

Aýstralııanyń premer-mınıstri Skott Morrıson telearnaǵa bergen suhbatynda Pekın jalǵan aqparat taratqany úshin keshirim suraýyn talap etti.

Foto: Twitter

Qytaıdyń memlekettik Twitter akkaýntynda Aýstralııa soldaty aýǵan balasyn óltirip jatqan foto jarııalandy. Aýstralııa Qytaıdan jalǵan fotony jarııalaǵan úshin keshirim suraýdy talap etti.

Aýstralııanyń premer-mınıstri Skott Morrıson telearnaǵa bergen suhbatynda Beıjiń jalǵan aqparat taratqany úshin uıalý kerek ekenin aıtty.   

Skott Morrıson

Skott Morrıson

Qarashanyń basynda 2009 ben 2013 jyldar aralyǵynda 25 aýstralııalyq soldat 39 aýǵan azamatyn óltirgeni anyqtalǵan. Bul aqparat halyq arasynda taralyp, halyqtyń ashýyn keltirdi. Qazir istiń mán-jaıyn polısııa tekserip jatyr.  

Dúısenbide Qytaıdyń syrtqy ister mınıstrliginiń baspasóz hatshysy Lıjıan Zao jasandy fotony jarııalady. Onda Aýstralııa soldaty qanǵa boıalǵan pyshaqpen balany ustap tur. Bala laqty qushaqtap tur.

Aýstralııanyń radıo korporasııasy aýstralııalyq áskerıler eki aýǵan jasóspirimdi pyshaqpen óltirgeni týraly aqparat tek boljamǵa negizdelgen dáleldenbegen aqparat ekenin jetkizdi.

Qytaı taratqan fotonyń astyna "Aýstralııa sarbazynyń aýǵan azamatyn óltirip jatqanyn kórip jaǵamyzdy ustadyq. Olardyń bul áreketin áshkerelep, jaýapqa tartýymyz qajet" dep jazylǵan.

Aýstralııa premer-mınıstri Morrıson Qytaıdyń áleýmettik jelide jarııalaǵan  jazbasyn "jıirkenishti, namysqa tıetin jáne ersi"  ekenin aıtyp, Twitter-den jazbany óshirýdi talap etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir