KVI: Bir táýlikte 10 adam óldi, 32 adamnyń jaǵdaıy asa aýyr

Densaýlyq saqtaý mınıstrligi ótken táýlikte koronavırýstan 7, koronavırýs belgileri bar pnevmonııadan 3 adam qaıtys bolǵanyn habarlady.

Mınıstrlik dereginen vırýs juqtyrǵandar sany kún sanap ósip bara jatqanyn baıqaýǵa bolady. 28 qarashada 826 naýqas koronavırýspen, 164 adam pnevmonııamen tirkelgen.

Qazaqstanda COVID-19 anyqtalǵan alǵashqy kúnnen búginge deıin 130 865 koronavırýs juqyrý jaǵdaıy tirkelgen. Onyń ishinde 2027 adam ólgen. 1 tamyzdan bastap júrgizilgen pnevmonııa statıstıkasyna sáıkes, osy kúnge deıin 42 104 adamnan pnevmonııa anyqtalǵan. 443 adam qaıtys bolǵan.

Qazirgi ýaqytta 12 651 adam koronavırýstan em qabyldaýdy jalǵastyrýda. Olardyń arasynda 895 bala bar.

Stasıonarlarda 3 392 naýqas jatyr. 9 259 adam ambýlatorııalyq jaǵdaıda emdelýde. Naýqastardyń arasynda 214 adamnyń ahýaly nashar. Sonyń ishinde 32 naýqastyń ahýaly asa qatty aýyr dep baǵalanýda. 32 naýqas ókpeni  jasandy jeldetý apparatynda jatyr.