• USD 468.56

  • EUR 497.56

  • RUB 7.3

  • CNY 67.18

29 Naýryz, 00:14:20
Almaty
+35°

29 qarasha, jeksenbi kúni Qostanaı oblysynyń bas memlekettik sanıtarlyq dárigeri Vladımır Nechıtaılo aımaqtaǵy qatań karantın sharalaryn taǵy bir aptaǵa uzartatyn jańa qaýlyǵa qol qoıdy. Qaýly Qostanaı oblysy sanıtarlyq-epıdemıologııalyq baqylaý departamentiniń saıtynda jarııalandy.

Qaýlydaǵy sharalar 2020 jylǵy 07 jeltoqsan saǵat deıin kúshinde bolady. Buǵan deıin Qostanaı oblysynyń bas sanıtar dárigeri óńirdegi shekteýlerdi 30 qarashaǵa deıin uzartqan bolatyn.

Qujatqa sáıkes, aımaqta taksı 22.00-den 06.00-ge deıin júre almaıdy. Júrgizýshiler men jolaýshylar mindetti túrde betperde kııýi kerek.

Sondaı-aq fýdkort, banket zaldary, akvapark, termopark qyzmetine tyıym salynǵan.

Dinı obektilerdiń (meshitter, shirkeýler, soborlar, sınagogalar), mádenıet obektileriniń (jeke, toptyq daıyndyqtar), kitaphanalardyń, mýzeılerdiń, teatrlardyń qyzmeti toqtatyldy.

Qalaaralyq jolaýshylar qoǵamdyq kóliginiń (avtobýstar, shaǵyn avtobýstar, taksı) júrýine tyıym salynady.

Azyq-túlik dúkenderiniń, onyń ishinde shaǵyn marketterdiń, sýpermarketterdiń, gıpermarketterdiń qyzmetine tek 08.00-den 21.00-ge deıin, al dárihanalardyń jumysyna shekteýsiz ruqsat etiledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir