20 jastaǵy qaraǵandylyq Ilıa Ilınniń rekordyn jańartty

20 jastaǵy qaraǵandylyq aýyr atlet Artıom Antropov buǵan deıin Ilıa Ilınge tıesili bolǵan Qazaqstan rekordyn jańartty. Bul týraly Qazaqstan aýyr atletıka federasııasy habarlady.

28 qarashada aýyr atletıkanyń jekeleı jattyǵýy boıynsha el birinshiligi aıaqtaldy. Sportshylar jarysqa qashyqtan qatysqan.

102 kelige deıingi salmaq dárejesinde 20 jastaǵy Artıom Antropov top jaryp, qos saıys qorytyndysy boıynsha 373 keli kótergen (157+216).

Ol serpe kóterýde 216 kelini baǵyndyryp Qazaqstan rekordyn jańartqan. Osy jattyǵýda buǵan deıin rekord Ilıa Ilınge tıesili edi. Onyń kórsetkishi 208 keli bolatyn.