Koronavırýs ólimine áser etetin negizgi faktorlar ataldy

Almatyda koronavırýs ınfeksııasyn juqtyrýdyń 15876 jaǵdaıy tirkelgen, onyń 9583-inde aýrý belgileri bolsa, 6293-i sımptomsyz.

 

Bul týraly О́ńirlik kommýnıkasııalar qyzmeti alańynda ótken onlaın-brıfıng barysynda Almaty qalasy qoǵamdyq densaýlyq Basqarmasy basshysynyń mindetin atqarýshy Janar Mádeeva habarlady.

 

Brıfıngke sondaı-aq Almaty qalasy sanıtarııalyq-epıdemıologııalyq baqylaý Departamentiniń basshysy, qalanyń bas memlekettik sanıtar dárigeri Jandarbek Bekshın qatysty.

 

Basqarmanyń derekteri boıynsha kún saıyn aýrýdyń sımptomsyz formasy 40 adamǵa deıin anyqtalady. Pnevmonııany údemeli túrde juqtyrýdyń 1140 jaǵdaıy tirkeldi. Emdelip shyqqandar – 14740 nemese 93%. Qaıtys bolǵandar – 323.

 

Medısınalyq uıymdarda 257 adam (15 bala) emdelýde, onyń ishinde aýyrlyq dárejesi boıynsha 20 (7%) adamnyń jaǵdaıy asa aýyr, 65-i (25%) aýyr jaǵdaıda, 230 naýqas (68%) ortasha aýyr jaǵdaıda.

 

Bir táýlik ishinde emdelip shyqqan 37 adam úılerine shyǵaryldy, 61 naýqas kelip túsken. Reanımasııa bólimshelerinde 29 pasıent bar, ıaǵnı stasıonarlyq emdeýdegi pasıentterdiń jalpy sanynyń 11%-y.

 

J.Madeevanyń aıtýynsha, aýrý juqtyryp, syrqattanýdyń eń joǵary kórsetkishi 2020 jyldyń shilde aıynda boldy, reanımasııa bólimshelerindegi pasıentterdiń úles salmaǵy 4%-dy qurady (stasıonardaǵy 1691 pasıenttiń 65-i), bul qazirgi kezben salystyrǵanda 3 ese az.

 

«Bul fakt aýrýdyń agressıvti túrin kórsetedi. Jaǵdaı az ýaqyttyń ishinde qıyndap ketedi. Bul koronavırýs ınfeksııasynyń basqa sýyq tııý aýrýlarymen aıasynda júrýimen baılanysty bolýy múmkin, bul jaǵdaı dıagnozdy rastaý úshin naýqastardyń medısınalyq uıymdarǵa kesh júginýine ákeledi», - dedi ol.

 

Osy aıda koronavırýs ınfeksııasyna baılanysty 36 naýqastyń ómirleri ólimmen aıaqtaldy. Onyń ishinde, jas qurylymy boıynsha: 65 jasqa deıin – 10 pasıent nemese 28%, 65 jastan joǵary – 25 pasıent nemese 72%. Táýlik boıynsha taǵy qosymsha: taǵy 3 naýqasta ólim tirkelgen.

 

«Qaıtys bolǵan 36 pasıenttiń tek 8-i nemese 22%-y aýrýdyń 7-shi kúnine deıin qalanyń stasıonarlaryna tústi, qalǵan 28-i (78%) aýrýdyń kesh merziminde, ıaǵnı aýrýdyń onynshy jáne odan da kóp kúnnen keıin tústi. Sonymen qatar, naýqastardyń 19-y nemese 52%-y aýrýdyń alǵashqy belgileri bolǵan kezde der kezinde óz emhanalaryna júginbeı, tanystary men týystarynyń usynystaryn paıdalana otyryp, úıde em qabyldaǵan», - dep tolyqtyrdy J.Madeeva.