Sheteldegi etnıkalyq qazaqtar Qazaqstan halqyna kómektesti

Dúnıejúzi qazaqtarynyń qaýymdastyǵy men álem elderindegi qazaq dıasporalary tarıhı Otanyna kómek jiberdi, dep habarlaıdy Qamshy.kz aqparat agenttigi 24.kz-ke silteme jasap.

Eldegi pandemııamen kúreske úles qosty. Jeke qarajat esebinen mıllıon dana medısınalyq betperde jetkizip qıyn sátte qol ushyn berdi. Búgin elordada respýblıkalyq qaýymdastyq ókilderi qandastardyń kómegin qabyldap, muqtaj jandar men pandemııamen kúrestiń aldyńǵy shebindegi medısına qyzmetkerlerine taratty. Budan bólek, aldaǵy ýaqytta qandastar tarapynan ókpeni jasandy jeldetý apparaty men dárýmender jetkiziledi.

Dúnıejúzi qazaqtarynyń qaýymdastyǵy ortalyq keńsesiniń keńesshisi Qarlyǵash Bekpatshaqyzy maskalar turmysy tómen otbasylarǵa, zeınetkerlerge, emhana, mektepterge taratylyp jatqanyn aıtty.

– Munyń bári kóp bolar, az bolar, saqtyq sharalaryn qoldanyp, tamshydaı bolsa da qosyp jatqan kómegi. Elim dep alańdap jatyr. Qazaǵym qıyndyq kórmesin dep jiberip jatqan sálemdemeleri. Kóp emespiz. Azǵantaımyz, –  dedi ol.