"Makgregormen kezdesýdi armandaımyn". 7 jastaǵy taekvondoshynyń áńgimesi

Jeńil salmaqtaǵy UFC-diń eks-chempıony Konor Makgregordyń júrisin salyp jelide tanymal bolǵan 7 jastaǵy jastaǵy Talant Alı búginde taekvondoda kóp-kórim jetistikke jetip júr. Sportty serik etken Talant 2 jylda 11 jarysqa qatysyp, barlyǵynan oljaly oralǵan. Sary belbeý ıegeri.

Talantqa kópshiliktiń nazary jarystardyń birinde Konor Makgregordyń áıgili júrisin salǵany túsirilgen vıdeodan keıin aýǵan. Vıdeonyń jelide keń taraǵany sonshalyq, ony ırlandııalyq sportshy  2019 jyldyń 8 mamyrynda instagram paraqshasyna salyp, "O qudaıym-aý, myna bala mıllıardtarǵa tatıdy" degen jazba qaldyrǵan. Qazirgi ýaqytta ol vıdeonyń kórilimi 15 mıllıonnan asqan.

Talant Alı 2013 jyly Qyzylorda qalasynda dúnıege kelgen. Úıdiń úlkeni, eki qaryndasy, bir inisi bar.

 

 

 

Posmotret etý pýblıkasııý v Instagram

 

 

 

Pýblıkasııa ot little sportsmen ????? (@ali_talant1303)

Talanttyń sportqa degen qyzyǵýshylyǵy kishkentaı kezinen baıqalǵan. 5 jasynda ákesi úıleriniń janyndaǵy taekvando úıirmesine aparǵan. Alǵashqy bapkeri – Erbol Beısenbaı. Taekvonoǵa qatysyp júrgenine eki jyldan asty. Osy kúnge deıin 11 jarysqa qatysyp, barlyǵynan júldeli orynmen qaıtqan. Onyń barlyǵy jattyǵýdyń arqasy. Árbir jattyǵýdyń mańyzy zor.

 

 

 

Posmotret etý pýblıkasııý v Instagram

 

 

 

Pýblıkasııa ot Conor McGregor Official (@thenotoriousmma)

Talantqa Musahan Qalmahanulyn eske alýǵa arnalǵan halyqaralyq jarystaǵy júlde ystyq. О́ıtkeni dál osy jarysta ózin jelide tanymal etken vıdeo túsirilgen.

Konor Makregordy erekshe qurmetteıtin ol, sportshyny qaısarlyǵy úshin unatady.

"Sol kúnnen bastap meni kóptegen telearnalar, gazet-jýrnaldar suhbattasýǵa shaqyra bastady" deıdi Talant.

Jas taekvondoshy keleshekte shetelge shyǵyp, Qazaqstannyń kók týyn kókte jelbiretýdi armandaıdy. Sol jolda jetistikke jetken sportshylarmen jıi jolyǵady. Maǵjan Eralıev atty aǵasyna aıtar alǵysy kóp.

Jarystarǵa qazirgi kezde óz qarajatymen baryp júr.

– Sheteldegi bolatyn jarystarǵa shyqqym keledi. Maqsatym Qazaqstannyń kók týyn álemge tanytatyn sportshy bolý. Oǵan jetý úshin tyńbaı enbek etemin. Sosyn Konor Makgregormen kezdesýdi armandaımyn. Ata-anamnyń, bapkerlerimniń úmitin aqtaǵym keledi. Jetistikke jetetinime senimdimin, – deıdi Talant Alı.