Tramp Aq úıden ketetinin aıtty

Donald Tramp eger Djo Baıdendi AQSh-tyń kelesi prezıdenti retinde saılaý kolledji resmı túrde rastaıtyn bolsa, ol Aq úıden ketetinin aıtty.

Beısenbide jýrnalıstiń "Saılaýshylar kollegııasynyń daýysynda jeńilip qalsańyz, Aq úıden ketýge kelisesiz be, joq pa?" degen saýalyna Tramp "Men, árıne, solaı isteımin, árıne, sóıtemin jáne siz muny bilesiz" dep jaýap berdi.

Prezıdent 3 qarashadaǵy daýys berý kezinde jeńilisti qabyldaýdan bas tartqan jáne beısenbide jýrnalısterge moıyndaý "qıyn" bolatynyn aıtty.

Ol sondaı-aq saılaýshylardy aldaý týraly dálelsiz talaptardy taǵy bir ret qaıtalady.

AQSh prezıdentterin tańdaý úshin qoldanylatyn kolledjder júıesi boıynsha Baıdende 306 daýys, Trampta 232 daýys bar.

Baıdende jeńiske jetý úshin qajetti 270 daýystan áldeqaıda kóp daýys bar, sonymen qatar Baıden daýys bergen adam sany jaǵynan da Tramptan alty mıllıonǵa kóp.

Saılaýshylar kelesi aıda daýys berýdi rásimdeý úshin kezdesedi, demokrat Djo Baıden 20 qańtarda prezıdent retinde ant beredi.

Tramp Baıdenniń ınaýgýrasııasyna qatysatynyn nemese qatyspaıtynyn aıtpady.

Bir prezıdentten ekinshisine aýysýdyń jáne nátıjeni rastaýdyń qalypty prosesi prezıdent Tramptyń moıyndaýdan bas tartýymen keshiktirilgen.