Búgin Májilis Spıkeri Nurlan Nyǵmatýlınniń tóraǵalyǵymen Palata Bıýrosy ótip, onda aldaǵy jalpy otyrystyń kún tártibi naqtylandy.

Májilis birinshi oqylymda jol júrisi máselelerine qatysty zań  jobasyn talqylaıdy.

Sonymen qatar birinshi oqylymda jer qoınaýy jáne ǵylym máseleleri, sondaı-aq, Kaspıı teńizinde qyzmetti júzege asyrýǵa baılanysty zań jobalary qaralady.

Kún tártibiniń jobasynda «Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn qaraý usynylady.

Aldaǵy jalpy otyrysta depýtattar Qazaqstan men Birikken Arab Ámirlikteriniń arasyndaǵy eki el elshilikteri arasyndaǵy qajettilikterine Astana qalasynda jáne Ábý Dabı qalasynda jer ýchaskelerin óteýsiz paıdalanýǵa ózara berý týraly kelisimdi ratıfıkasııalaý týraly zań jobalaryn qaraıdy.

 Bıýro otyrysynda «Maqta salasyn damytý týraly» Qazaqstan Respýblıkasy Zańynyń kúshi joıyldy dep taný jáne Qazaqstan Respýblıkasynyń keıbir zańnamalyq aktilerine ózgerister engizý týraly» jáne veterınarııa máseleleri boıynsha zań jobalary ekinshi oqylymda usynylady.

Aldaǵy jalpy otyrysta Palata birqatar ratıfıkasııalyq zań jobalaryn jumysqa alady. Olar Memleketaralyq standarttaý jónindegi qujattardy taratý týraly jáne Eýrazııalyq ekonomıkalyq odaq sheńberinde baǵaly metaldarmen jáne asyl tastarmen operasııalardy júzege asyrý erekshelikteri týraly kelisimderdi ratıfıkasııalaý.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir