• USD 468.56

  • EUR 497.56

  • RUB 7.3

  • CNY 67.18

29 Naýryz, 16:16:22
Almaty
+35°

Búgin 26 qarasha kúni Almaty oblysy Jambyl oblysy Qarabastaý aýylynda mádenıet jáne sport mınıstrligine qarasty "Tańbaly" memlekettik tarıhı-mádenı qoryq mýzeıiniń sapar ortalyǵy ashyldy, dep habarlaıdy Qamshy.kz aqparat agenttigi.

2018-2019 jyldary "Tańbaly" qoryq mýzeıiniń "Sapar ortalyǵy" boı kóterdi. 2020 jyly kórme zalyn mýzeılendirý jumystary júrgizildi. 

Ǵımarattyń ashylýyna mádenıet jáne sport vıse-mınıstri Nurǵısa Dáýeshov, Almaty oblysynyń ákiminiń orynbasary Rýstem Álı, Jambyl aýdanynyń ákimi Baǵdat Álıev, Qazaqstan mádenıetiniń  ǵylymı zertteý ınstıtýtynyń dırektory Dosbol Baıgýnakov, IýNESKO-nyń Qazaqstandaǵy klasterlik bıýrosynyń mádenıet boıynsha ókili Aıgúl Halafova, t.b. basqa qonaqtar qatysty.

“Tańbaly”qoryq mýzeıi sapar ortalyǵynyń ashylýy

Vıse-mınıstr Nurǵısa Muratuly elbasynyń jáne memleket basshysynyń bastamasy boıynsha mádenıet jáne sport mınıstrliginiń ashqan nysandaryn atap ótti.

– Barshańyzdy elimiz úshin asa mańyzdy is-sharada qarsy alǵanyma qýanyshtymyn. "Tańbaly" memlekettik tarıhı-mádenı jáne tabıǵı qoryq-mýzeıiniń resmı ashylýy tarıhta qalatyny sózsiz. Elbasynyń jáne memleket basshysynyń bastamasy boıynsha mádenıet jáne sport mınıstrligi mádenı ıgiliktiń mańyzdy nysandaryn ashty. Olardyń ishinde Túrkistan qalasynda qasıetti ortalyqtyń jáne Jambyl aýdanynda búgingi sapar ortalyǵynyń ashylǵanyn atap ótkim keledi, – dedi ol.

“Tańbaly”qoryq mýzeıi sapar ortalyǵynyń ashylýy

IýNESKO-nyń Qazaqstandaǵy klasterlik bıýrosynyń mádenıet boıynsha ókili Aıgúl Halafova tarıhı murany jastarǵa dáripteý ortalyqtyń maqsaty ekenin jetkizdi.

– "Tańbaly" memlekettik tarıhı-mádenı qoryq mýzeıiniń sapar ortalyǵy – tek oblys úshin emes, barsha Qazaqstan halqy úshin úlken jetistik. Bul nysan dúnıejúzilik mura bolyp esepteledi. Sol sebepti barlyq álem úshin de mártebe bolyp tabylady. Qazaqstannyń barlyq halqy osy ortalyqpen maqtansa deımin. Arheologııany, mádenıetti, murany, tarıhty ózgelerge túsindirý – bizdiń qolymyzda. Sapar ortalyǵynyń bir maqsaty ulttyq nysanymyzdy jastarǵa dáripteý bolatyn, – dedi Aıgúl Qadyrqyzy.

 “Tańbaly”qoryq mýzeıi sapar ortalyǵynyń ashylýy

Eki qabatty ǵımarattyń jalpy aýmaǵy – 1478,9 sharshy metr. Jańa ortalyq zamanaýı úlgide jabdyqtalǵan. Kórme zaly, konferensııa zaly, zerthana, kitaphana, keńse, kelýshiler úshin ashana jáne qonaqúımen qamtylǵan. Ǵımarattyń syrtynda 5 kıiz úı tigilgen dástúrli etnoaýyl bar. Olardyń ishi ulttyq stılde jabdyqtalǵan. Kıiz úıdiń ishinde qazaqy úlgide bylǵarydan tigilgen sómkeler, ulttyq kıimder, turmys-salt buıymdary, ańshy quraldary qoıylǵan.

“Tańbaly”qoryq mýzeıi sapar ortalyǵynyń ashylýy

Ortalyqtyń ashylý barysynda "Jetisýdyń jartas óneri" atty ǵylymı tájirıbelik konferensııa ótti. "Tańbaly" qoryq-mýzeıi ǵylymı-zertteý bóliminiń meńgerýshisi Rınat Sharıpov "Jetisý aýmaǵyndaǵy jartas sýretterin mýzeılendirý", arheologııa ǵylymynyń doktory, Ál-Farabı atyndaǵy QazUÝ tarıh fakýlteti arheologııa-etnologııa kafedrasynyń meńgerýshisi Rınat Jumataev "Arheologııadaǵy jartas óneriniń ereksheligi", tarıh ǵylymynyń kandıdaty, ulttyq ǵylym akademııasynyń múshesi, Sh.Ýálıhanov atyndaǵy tarıh jáne etnologııa ıstıtýtynyń jetekshi ǵylymı qyzmetkeri Altyn Ýaltaeva "Jartas beıneleriniń mán-maǵynasy", Qazaqstannyń Eńbek sińirgen ekskýrsovody Baqyt Orazymbetova "Týrızmdi damytýdaǵy "Tańbalynyń" mańyzy" taqyrybynda baıandama jasady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir