26 Qarasha, 2020 Barlyq aımaqtar

Qazaqstanda sheteldik jumysshylarǵa zeınetaqy tólenetin boldy

Qujat Eýrazııalyq ekonomıkalyq odaq týraly shart sheńberinde EAEO-ǵa qatysýshy elderdiń yntymaqtastyǵyn tereńdetýdiń nátıjesi.

Foto:

Parlament senatynyń depýtattary plenarlyq otyrysta Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi qarap, ony ratıfıkasııalady, dep habarlaıdy Qamshy.kz aqparat agenttigi Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap. 

Joǵaryda atalǵan kelisimge 2019 jylǵy 20 jeltoqsanda qol qoıyldy. Qujat Eýrazııalyq ekonomıkalyq odaq týraly shart sheńberinde EAEO-ǵa qatysýshy elderdiń yntymaqtastyǵyn tereńdetýdiń nátıjesi.

EAEO azamattaryn basqa múshe memleketterde eńbek qyzmetin júzege asyrýy kezinde zeınetaqymen qamsyzdandyrý máselesin quqyqtyq retteý jumys kúshiniń qozǵalýy jolyndaǵy qazirgi kedergini joıýǵa múmkindik beredi jáne eńbek qyzmetin zańdastyrýǵa qosymsha yntalandyrý bolady.

Kelisim kúshine engennen keıin EAEO-ǵa múshe memleketterdiń azamattary eńbek qyzmetin júzege asyrǵan memlekettiń azamattary sııaqty zeınetaqymen qamsyzdandyrylýǵa quqyly bolady.

EAEO-ǵa qatysýshy árbir el eńbek etýshige onyń aýmaǵynda jınaqtalǵan jumys ótili úshin zeınetaqy tóleıtin (eksporttaıtyn) bolady. EAEO-nyń basqa elinde turatynyna qaramastan, eńbek etýshige zeınetaqyny ol eńbek qyzmetin júzege asyrǵan EAEO-ǵa múshe memleket tóleıtin bolady.

Biryńǵaı jınaqtaýshy zeınetaqy qory Qazaqstanda kelisimdi iske asyrý boıynsha quzyretti organ bolyp belgilendi. Zeınetaqy tólemderin taǵaıyndaýǵa qatysty barlyq suraqtar boıynsha QR jáne EAEO-ǵa múshe basqa memleketterdiń azamattary BJZQ-ǵa tikeleı júginetin bolady.

Kelisim boıynsha EAEO-nyń basqa memleketteriniń eńbekshilerine Qazaqstanda jınaqtaýshy zeınetaqy júıesinen zeınetaqy tólemderi júzege asyrylatyn bolady, óıtkeni olar QR-da turaqty turatyn azamattarmen jáne sheteldiktermen teń jaǵdaıda ulttyq zeınetaqy zańnamasynda belgilengen tártippen jáne sharttarda BJZQ-ǵa MZJ aýdarady.

"Qamshy" silteıdi
Ilmek sózder: Zeınetaqy qory EAEO

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir