Prezıdent Qasym-Jomart Toqaev ındýstrııa jáne ınfraqurylymdyq damý mınıstri Beıbit Atamqulovty qabyldady. Bul týraly akorda.kz saıty habarlady. 

Toqaevqa bıylǵy jyldyń 10 aıynda júzege asyrylǵan memlekettik baǵdarlamalardyń qorytyndylary men mınıstrlik qyzmetiniń basym baǵyttary jaıynda esep berildi.

Memleket basshysyna 2020-2025 jyldarǵa arnalǵan ındýstrıalandyrý baǵdarlamasy boıynsha atqarylǵan jumystar egjeı-tegjeıli baıandaldy. Beıbit Atamqulov pandemııaǵa qaramastan jyl basynan beri ónerkásip salasy 3,2 paıyzǵa óskenin aıtty. Sonymen qatar jyl sońyna deıin ınvestısııa kólemi 995 mıllıard teńgeni quraıtyn 200 joba iske asatynyn jetkizdi.

Mınıstr jyl basynan beri "Nurly jol" baǵdarlamasynyń sheńberinde jalpy uzyndyǵy 2,6 myń shaqyrym avtomobıl joly paıdalanýǵa berilgenin atap ótti. Elaralyq júk tasymaly da ósken. Atap aıtqanda, Qytaı-Eýropa-Qytaı baǵytyndaǵy tasymal 61,6 paıyzǵa artqan.

"Nurly jer" baǵdarlamasy boıynsha 14,1 mıllıon sharshy metr turǵyn úıdi paıdalanýǵa berý josparlanǵan. Mınıstrdiń aıtýynsha, jyl sońyna deıin atalǵan kórsetkishti 15 mıllıon sharshy metrge jetkizý kózdelgen. Al 2025 jylǵa deıin barlyǵy 103 mıllıon sharshy metr baspana salynady.

Qasym-Jomart Toqaev Beıbit Atamqulovqa jergilikti jerlerdegi joldardy jóndeý, arendalyq baspana qurylysyn arttyrý, sondaı-aq vedomstvonyń negizgi baǵyttary boıynsha birqatar tapsyrma berdi.

"Qamshy" silteıdi
Ilmek sózder: Toqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir