Armenııa premer-mınıstri Nıkol Pashınıan úsh kún qatarynan kásipkerlermen eldegi ekonomıkalyq jáne ınvestısııalyq qyzmetti qalpyna keltirý máselelerin talqylap jatyr. Bul týraly armeniasputnik.am saıty habarlady.

Úkimettiń baspasóz qyzmetiniń habarlaýynsha, sársenbide Pashınıan "Elseti Armenia" kompanııasynyń bas dırektory Karen Arýtıýnıanmen, "Gazprom Armenııa" basshysy Hrant Tadevosıanmen, "Renshın"  qurylys jáne ınvestısııalyq uıymynyń dırektory Nýshıkıanmen kezdesken.

– Úkimet pen iskerlik orta arasyndaǵy baılanysty nyǵaıtý, ınvestısııalyq baǵdarlamalardy júzege asyrýdy jalǵastyrý, ekonomıkalyq optımızmdi qalpyna keltirý máseleleri talqylandy. Naqty kelisimderge qol jetkizildi, – delingen habarlamada.

Basylymnyń habarlaýynsha, premer-mınıstrler kásipkerlermen kezdesý ótkizip, eldegi ahýaldy jaqsartýdyń amalyn izdep júrgende, búgin (25 qarasha) Erevandaǵy Ulttyq ǵylym akademııasynyń prezıdıýmy onyń otstavkaǵa ketýin talap etip, málimdeme jasaǵan.

Ulttyq ǵylym akademııasy Qarabaqqa qatysty sheshimdi, ıaǵnı úshjaqty málimdemeni armıan halqy úshin "masqara" dep sanaıdy.

Sonymen qatar búgin Erevannyń ortalyǵyndaǵy Armenııa úkimeti ǵımaratynyń janynda  "Dashnaksýtıýn" saıası partııasynyń ókili Gegam Manýkıan men Konstıtýsııalyq sottyń eks-sýdıasy Kım Balaıan ashtyq jarııalady. Olar Armenııadaǵy turaqtylyqty qalpyna keltirý jáne Pashınıannyń otstavkaǵa ketýintalap etti.

Armenııa Ulttyq qaýipsizdik qyzmetiniń burynǵy dırektory, "Otan" partııasynyń jetekshisi Artýr Vanesıan jýrnalısterge Pashınıannyń qyzmetinen ketýin kópshilik qalaıtynyn málimdegen.

Buǵan deıin Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıǵan. Osylaısha úsh eldiń arasynda bolǵan kelisim boıynsha 3 aýdan Ázerbaıjanǵa qaıtarylyp, basqynshy ásker aımaqtan shyǵarylady. Bul kelisimnen keıin Armenııa astanasy Erevanda premer-mınıstrge qarsy mıtıngter ótip, sodan beri halyq Pashınıannyń otstavkaǵa ketýin talap etip keledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir