Asfendııarov atyndaǵy QazUMÝ ımmýnologııa kafedrasynyń meńgerýshisi, medısına ǵylymdarynyń kandıdaty Elmıra Bıtanova aldyn alý sharalaryn ustaný arqyly COVID-19 ınfeksııasyn báseńdetýge bolatynyn málim etti. Bul týraly Almaty qalalyq ákimshiliktiń baspasóz qyzmeti habarlady. 

О́ńirlik kommýnıkasııalar qyzmetiniń alańynda ótken onlaın-brıfıng barysynda Elmıra Bıtanova almatylyqtardyń esine koronavırýstyń aldyn alý sharalaryn ustanýdyń mańyzy jaıly saldy.

Búgingi tańda koronavırýsqa qarsy preparat joq ekeni bárimizge belgili. Biraq bárimizge jaqsy tanys aldyn alýdyń qarapaıym erejeleri men sharttary bar. Bul kezeńde ýaqytyly uıyqtaý jáne demalys, kún tártibin durys saqtaý óte mańyzdy ekenin atap ótken jón. Ekinshiden, kúızelisti jaǵdaılardan aýlaq júrý qajet. Barlyq dertterdi der kezinde emdep, aýrýdyń aldyn alý kerek. Aýyryp em izdegenshe, aýyrmaýdyń jolyn izdegen jón. Durys tamaqtaný ádetin ustanǵan mańyzdy. Immýndyq júıege júk túsirýdiń qajeti joq, alkogol tutyný men temekini shekten tys qoldanýdy tyıý kerek. Tek osyndaı jaǵdaıda ǵana ımmýndyq júıeni qalypty jaǵdaıda ustaýǵa bolady. Pandemııa kezinde bul máseleler odan da aıqyn bola tústi, – dep atap ótken ol osy kezeńde densaýlyqty baqylaý óte mańyzdy ekenin aıtty.

Aldyn alý sharalaryna qatysty E.Bıtanova qoǵamdyq oryndarda áleýmettik qashyqty saqtaýdyń asa mańyzdylyǵy men juqtyrýdy boldyrmaý úshin bir ǵımaratta shoǵyrlanýdan aýlaq bolý qajettigin atap ótti.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir