Qytaıda qazaqtar turatyn aımaqta júzdegen ımam tutqyndaldy

Qytaıdyń Shyńjań Uıǵyr avtonomııalyq aýdanynyń bıligi júzdegen musylman ımamdaryn tutqyndaǵan. "Azat Azııa" basylymynyń aqparatynsha, olar "ólýden qorqady". Olardyń jerleý rásimderin baqylaıtyn adam joq.

Halyqaralyq bosqyndar jelisiniń (ICORN) Norvegııadaǵy qyzmetkeri Abdývelı Aıýptyń aıtýynsha, ShUA-daǵy turǵyndarmen júrgizilgen suhbattarda keminde 613 ımamnyń túrmege qamalǵany anyqtalǵan. 2017 jyldyń basynan bastap, Shyńjańda eki mıllıonǵa jýyq qazaq, uıǵyr musylman azshylyqtary aımaqtaǵy lagerlerge qamalǵan.

"Biz bul izdenisti 2018 jyly mamyr aıynda bastadyq. Qarashada aıaqtalǵan suhbattardyń qorytyndysyna sáıkes, eń kóp nysanaǵa alynǵandar dinı qaıratkerler ekenin anyqtadym. Sol kezde bizde 300-ge jýyq [ustalǵan] ımamdardyń tizimi bar edi, sodan keıin biz sandardy jańartyp otyrdyq, al sońǵy jańartý bolǵan maýsymda deıin 613 ımam boldy" dedi ICORN qyzmetkeri beısenbide ótken vebınarda sóılegen sózinde.