• USD 468.56

  • EUR 497.56

  • RUB 7.3

  • CNY 67.18

29 Naýryz, 01:14:24
Almaty
+35°

О́tken kúnderi AQSh prezıdenti Donald Tramp Vashıngton men Tegeran arasyndaǵy shıelenistiń artýyna baılanysty Iranǵa eskertý retinde Taıaý Shyǵysqa "B-52" ıadrolyq bombalaýshylaryn jiberdi. Bul týraly The Sun gazeti habarlady.

"Djo Baıden qańtar aıynda prezıdent bolyp taǵaıyndalmas buryn Tramp Iranǵa shabýyl jasaý kerek pe degen máseleni talqylap jatyr" dep jazdy brıtanııalyq basylym.

AQSh Ortalyq qolbasshylyǵy aýyr bombalaýshy ushaqtar kelgenin rastady jáne ushaqtar "agressııany toqtatady jáne AQSh seriktesteri men odaqtastaryn alańsyzdandyrady" dep málimdedi.

Brıtanııalyq gazettiń aqparatyna sáıkes, AQSh áskerı-áýe kúshterindegi eń úlken ushaq "Stratofortres" ushaqtarynyń kem degende úsheýi Izraılden ushyp ótti.

Osy jyldyń qańtar aıynda AQSh áskerı kúshteri Iran general-maıory Kasem Soleımanınıdi Iraktaǵy zymyran soqqysy kezinde óltirgen. Osydan keıin eki el arasynda soǵys bastalý qaýpi týdy.

Shabýyldan birneshe kún ótken soń Tegeran kek qaıtaryp, AQSh áskerı kúshteri ornalasqan Iraktyń eki bazasyna ballıstıkalyq zymyran serııasyn ushyrdy.

"AQSh-tyń prezıdenttiginen ketip jatqan Tramp Iranǵa eskertý jasaý úshin Taıaý Shyǵysqa "B-52" ıadrolyq bombalaýshy ushaqtaryn jiberip, Hasan Rýhanıdiń eline ses kórsetti" dep jazdy The Sun gazeti.

"Qamshy" silteıdi
Ilmek sózder: Iran AQSh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir