Jambyl oblysynda múıizdi iri qara mal ósiretin jańa reprodýktor paıda boldy. «Jambyl Et MS» sharýashylyǵy sıyr eti óniminiń sanyn arttyrý maqsatynda Irlandııadan 1000 angýs tuqymdy sıyrlaryn satyp aldy. Kelgen iri qara maldyń kóbisi reprodýktor mártebesin rastaıtyn qajetti asyl tuqymdyq kýálikterin aldy.

Investısııalyq joba «Agrarlyq nesıe korporasııasy» AQ «QazAgro» UBH» AQ-nyń qarjylandyrýynyń arqasynda júzege asyryldy.

«Aberdın-angýs asyl tuqymy et óndirisi boıynsha eń úzdikterdiń biri bolyp sanalady» dep habarlaıdy sharýashylyq dırektorynyń orynbasary Bahyt Iskalıev.

«Ýaqytyly tamaqtandyrý jáne sapaly kútim jasaý arqyly, óte qysqa merzim ishinde, iri qara basynyń sanyn aıtarlyqtaı kóbeıtýge bolady. Árıne, biz qysqy kezeńge tyńǵylyqty daıyndaldyq. Jazdan beri kompanııa 1000 tonna shóp jáne 100 tonnadan astam jem men mıneraldy zattar satyp aldy», - deıdi ol.

Qazir sharýalar mal baǵýǵa kirisip ketti. Jańa sharýashylyq qaraýsyz bos qalǵan bazada quryldy.

Sharýashylyqtar, ákimshilik ǵımarat jáne jazǵy malǵa arnalǵan oryndar qalpyna keltirildi. Múıizdi iri qara sharýashylyǵynan bólek, seriktestik aýylsharýashylyq tehnıkalary men qajetti qural-jabdyqtar satyp aldy.

Jobanyń jalpy quny 1,5 mıllıard teńgeni quraıdy, onyń 1,1 mıllıardyn Agrarlyq nesıe korporasııasy bólgen. Nesıe jyldyq 6% -ben 10 jylǵa berildi.

Jambyl oblysy boıynsha ANK fılıalynyń dırektory Nurǵalı Seıitbekov korporasııanyń basty maqsaty – qazaqstandyq fermerlerge qol jetimdi nesıe berý ekenin atap ótti.

Onyń aıtýynsha, ónerkásipti qarjylandyrý mýltıplıkatıvti áserge ıe: aýylda jańa kásiporyndar men jumys oryndary ashylýda.

Sońǵy bes jylda Agrarlyq nesıe korporasııasy qarjylandyrýynyń arqasynda elde 10000-ǵa jýyq jańa jumys oryndary quryldy. Tek 2019 jyldyń ózinde 10,5 mıllıard teńgege 442 joba etti mal sharýashylyǵyn damytýǵa qarajat aldy. Osy jyly Agrarlyq nesıe korporasııasy búkil Qazaqstan boıynsha jeti asyl tuqymdylar sharýashylyǵymen aınalysatyn fermalardyń qurylýyn qarjylandyrdy. Nátıjesinde elde múıizdi iri qara sany men et ónimderiniń sapasy artty.

«Jańa kásiporyndar paıda bolýda, eskileri, tipti qaraýsyz bos qalǵandary, qalpyna keltirilýde. Nesıe alyp, bizdiń fermerler zamanaýı tehnologııalardy qoldana bastady, aýylda shaǵyn jáne orta bıznes damyp keledi. Munyń bárin biz «Jambyl Et MS» qurylýynan kóz jetkizip otyrmyz», - dep atap ótti.

Bolashaqta «Jambyl Et MS» sharýa qojalyǵy mal basyn 6-7 myń bas iri qaraǵa jetkizýdi josparlap otyr. Qazir qojalyqta 35 adam jumys isteıdi, ortasha jalaqy – 130 myń teńgeni quraıdy. Eger keńeıtý josparlary shyndyqqa aınalatyn bolsa, onda jumysshylar sany da ósedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir