Biryńǵaı jınaqtaýshy zeınetaqy qory salymshylarǵa jeke zeınetaqy shotynyń jaı-kúıin baqylap otyrý kerektigin eskertti. Bul týraly "BJZQ-nyń" resmı saıty málimdedi.

Qazirgi kezde jınaqtaýshy zeınetaqy qorynyń jaı-kúıi týraly aqparat alýdyń eń tanymal tásili – ınternet baılanysy. Ony 6,6 mln-nan astam JZSh ıeleri tańdady. Bul rette salymshylar men alýshylar 5 762 454 shottyń jaı-kúıi týraly enpf.kz saıtyndaǵy jeke kabınet nemese ENPF uıaly qosymshasy arqyly qalaǵan ýaqytynda, álemniń kez kelgen túkpirinen bile alady. Osyndaı habarlaý tásilin tańdaǵandar sany bir jylda 225 125 adamǵa (4%) artty.

BJZQ-ǵa berilgen elektrondyq poshta mekenjaıyna jiberiletin úzindi kóshirmeni 853 954 adam alady. Ol shot ıesine ózi tańdaǵan keste boıynsha aı saıyn, toqsan saıyn, jarty jylda bir ret nemese jyl saıyn kelip turady.   

Úzindi kóshirmeni dástúrli poshta arqyly alý tásilin áli kúnge deıin 1 297 726 adam qoldanady. Alaıda poshta baılanysyn aqparat alý tásili retinde 2 939 233 salymshy men alýshy tańdaǵan 5 jyl burynǵy, ıaǵnı 2015 jyldyń kórsetkishimen salystyrǵanda ol 44 % azaıǵan. Aqparat alýdyń bul túrine degen qajettiliktiń edáýir tómendeginin osydan-aq kórýge bolady.  

"BJZQ" AQ eger salymshy (nemese alýshy) JZSh-dan úzindi-kóshirmeni jylyna bir ret dástúrli poshta arqyly alýdy qalap, biraq turǵylyqty mekenjaıyn ózgertken bolsa, onda ol jaıynda Qorǵa habarlaýy tıis ekenin málimdeıdi.

"Qazaqstan Respýblıkasynda zeınetaqymen qamsyzdandyrý týraly" QR Zańynda álgindeı talapty mekenjaıy ózgergennen keıin 10 kún ishinde oryndaýy qajet dep kórsetilgen.

Bulaı bolmaǵan jaǵdaıda poshta operatory zeınetaqy shotynan úzindi kóshirmeni adresatqa jetkize almaı, ol Qorǵa qaıtyp oralady. Sondyqtan BJZQ kelesi jyldan bastap habarlaý mártebesi "anyqtalmaǵan" dep belgilenetin  salymshyǵa (alýshyǵa) úzindi kóshirmeni jibermeıdi. Qarasha aıynyń basynda mundaı salymshylardyń sany zeınetaqy jarnalarynyń barlyq túrleri boıynsha shottardyń jalpy sanynyń 1 mln-nan astamyn nemese 8,8%  qurady.

Qor keńselerine "ózi kelgen kezde" aqparat berý tásili 3 029 417 adamda aıqyndalǵan. Al ótken jyly bul kórsetkish 1 938 547 ótinishti qurady. О́sim – 56,3%. Alaıda bul statıstıkany kóbinese jańadan ashylǵan shot ıeleriniń tolyqtyrǵanyn eskergen jón.

Osyǵan baılanysty BJZQ zeınetaqy júıesine jańadan kelgenderge 2019 jyldan bastap mindetti zeınetaqy jarnalary boıynsha JZSh ashý úshin shart jasaýdyń qajeti joq ekenin eskertedi.

Birinshi jarna túsken kezde shot avtomatty túrde ashylady. Jeke tulǵany sáıkestendirý mindetti zeınetaqy jarnalaryn aýdarý kezinde tólem tapsyrmasynyń elektrondyq formatynda kórsetilgen derbes derekter (TAÁ, JSN, týǵan kúni) boıynsha júzege asyrylady. Al jeke tulǵanyń jeke basyn kýálandyratyn qoldanystaǵy qujattyń derektemeleri, turaqty turatyn jeri týraly barlyq qajetti málimetterdi BJZQ memlekettik organdardyń aqparattyq júıelerinen alady.

Mundaı shotty ashý kezinde habarlaý tásili avtomatty túrde "О́z kelip, ótinish bildirgen" bolyp aıqyndalady. Iаǵnı, JZSh-sy jaqynda ashylǵan barlyq salymshylarǵa BJZQ keńsesine jeke basyn kýálandyratyn qujatpen kelip, qajetti habarlaý tásilin tańdaý usynylady. Sondaı-aq, muny elektrondyq sıfrlyq qoltańba bolǵan jaǵdaıda enpf.kz saıty arqyly qashyqtyqtan jasaýǵa bolady.

BJZQ  jeke zeınetaqy shotyn kez-kelgen yńǵaıly tásilmen únemi qadaǵalap otyrý qajettiligin eskertedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir