Armıandar ózderi turǵan úılerdi órtep bir-aq ketti

Armıan basqynshylary Ázerbaıjannyń Kelbadjar aýdanyndaǵy ózderi turǵan úılerdi órtep, memlekettik mekemelerdi tonap, maldardy óltirip, ormandy qıratyp bir-aq ketti. Olar qurtqan dúnıelerdiń barlyǵynyń ıesi "ózimiz" dep uǵynǵan. Shynynda solaı ma?  Aze.az saıty osylaı dep málimdedi.  

Kelbadjar – Ázerbaıjandaǵy eń úlken aýdannyń biri. 1979 jylǵy sanaq boıynsha, onda soǵysqa deıin 49 armıan turdy. Iаǵnı statıstıkaǵa sáıkes, halyqtyń shamamen 0,1%-yn quraıdy.

"Vestnık Kavkaza" basylymy armıandardyń durys dep sanaǵan argýmentteri eshqandaı shyndyqqa janaspaıtyndyǵyn aıtyp, "qate túsinik" degen baǵa bergen. Basylymynnyń habarlaýynsha, armıandar óziniń emes, ózgeniń úıin órtep, ózgeniń ormanyn qıratyp, ózgeniń malyn qyryp saldy.  

Buǵan deıin Qarabaq qaqtyǵysynyń aıaqtalǵany týraly habarlanǵan. Armenııa premer-mınıstri Nıkol Pashınıan Ázerbaıjan prezıdenti Ilham Álıev jáne Reseı prezıdenti Vladımır Pýtın Taýly Qarabaqta áskerı áreketterdi toqtatý týraly kelisimge qol qoıdy. Osylaısha úsh eldiń arasynda bolǵan kelisim boıynsha 3 aýdan Ázerbaıjanǵa qaıtarylyp, basqynshy ásker aımaqtan shyǵarylady. Bul kelisimnen keıin Armenııa astanasy Erevanda premer-mınıstrge qarsy mıtıngter ótip, sodan beri halyq Pashınıannyń otstavkaǵa ketýin talap etip keledi.