• USD 468.56

  • EUR 497.56

  • RUB 7.3

  • CNY 67.18

29 Naýryz, 13:11:08
Almaty
+35°

Úkimet otyrysynda premer-mınıstr Asqar Mamın eldi mekenderdi gazdandyrýdy belsendi túrde jalǵastyrý – úkimettiń basty mindetteriniń biri ekenin aıtty.

– Álemdik energetıka naryǵyn taldaý gaz ónerkásibi energııa tasymaldaýshylardyń ózge túrin óndirý men tutynýǵa qaraǵanda, qarqyndy damyp kele jatqanyn kórsetip otyr. Qazaqstanda da osyndaı jaǵdaı baıqalyp otyr. Bıyl tutyný 16,5 mlrd tekshe metrge deıin ósedi dep kútilip otyr. Eń aldymen, bul tutynýshylar sanynyń ósýimen baılanysty. Bul oraıda elektr energııasyn óndirý úshin gaz – 50 paıyz, kommýnaldyq-turmystyq sektor – 36 paıyz, ónerkásip 14 paıyz paıdalanatyn bolady. Bıylǵy jyldyń qorytyndysy boıynsha el turǵyndaryn gazdandyrý kórsetkishi 53 paıyz deńgeıinde josparlanǵan. 9,8 mln adam tabıǵı gazǵa qoljetimdilikke ıe bolady. 2025 jyly gazdandyrý deńgeıi 60 paıyzǵa jetip, 2120 eldi meken nemese 11,7 mln turǵyn qosylady, – dedi úkimet basshysy.

Asqar Mamın energetıka mınıstri Noǵaevqa eldi mekenderdi gazdandyrýdy belsendi jalǵastyrý keregin aıtty.

– Buǵan "Saryarqa" jobasynyń 2-3-kezeńderiniń iske asyrylýy, Shyǵys Qazaqstandy gazdandyrý jáne de óńirlik jelilerdi keńeıtý men rekonstrýksııalaý yqpalyn tıgizedi. Sondyqtan, Nurlan Asqaruly, eldi mekenderdi gazdandyrýdy belsendi túrde jalǵastyrý kerek. Bul – úkimettiń basym mindetteriniń biri, – dedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir