"Buǵan qatysty úlken josparlarymyz bar". Toqaev jańa jobamen tanysty

Qasym-Jomart Toqaev Qaraǵandy oblysyna sapary barysynda Qaraǵandy qalasyndaǵy ferroqorytpa zaýytyna baryp, ondaǵy óndiris prosesi men óndiriste, qurylysta, keme, áýe kólikterin jáne avtomobıl jasaýda qoldanylatyn daıyn ónimdermen tanysty. Bul týraly akorda.kz saıty habarlady. 

Zaýyttyń aksıonerleri atalǵan jobanyń jergilikti jáne jahandyq suranysty qamtamasyz etetinin aıtty. Atap aıtqanda, munda óndirilgen ferrosılısııa Qazaqstannan bólek, Eýropa, Ońtústik Shyǵys Azııa, Soltústik jáne Ońtústik Amerıka elderiniń naryǵyna shyǵarylady.

Pandemııa kezinde kompanııa ónimniń satylý aýmaǵyn 15 elge arttyryp, Qazaqstannyń eksporttyq áleýetin kóterýge úles qosqan. Qazirgi tańda zaýyt ónimin álemniń 37 eline eksporttaıdy.

Prezıdent óndiristi basqarý ortalyǵyn aralap kórip, "Qaz Qarbon" JShS-niń jańa jobasymen tanysty.

– Bul óte qajetti jáne jaqsy joba. Qutty bolsyn. Qazaqstandy ındýstrıalandyrýǵa qomaqty úles qosqanyn aıtpaǵannyń ózinde, el ekonomıkasynyń mańyzdy aktıvi sanalady. О́ndiristi jyldam kórip shyqtyq. Biraq buǵan qatysty úlken josparlarymyz bar. Baqylap, kómektesip otyramyz, – dedi memleket basshysy.

Kezdesý sońynda Toqaev ferroqorytpa zaýytynyń eńbek ujymyna tabys tiledi.

Oqı otyryńyz

♦  Toqaev Qaraǵandydaǵy mektep-gımnazııaǵa Abaıdyń atyn berýdi qoldady