Shyǵys Qazaqstanda karantınge qatysty sharalar júrgizildi

ShQO azamattardyń densaýlyǵyn saqtaý jáne qaýipsiz aımaq qurý maqsatynda monıtorıng toptardyń jumysy jalǵasýda. Negizgi mindet túsindirý jumystary, sýbektilerdiń qoldanystaǵy karantındik jáne shekteý erejelerin saqtaýyn baqylaýdy qamtamasyz etý bolyp tabylady.

Koronavırýs qarqyndy taralyp, óńir qyzyl aımaqta turǵan kezde, keıbir azamattar áli de bolsa saldaryn oılamastan, kópshilik jerlerde kóńil kóterýge jol berýde. «Shyǵys – adaldyq alańy» jobalyq keńsesiniń aqparaty boıynsha, 22 qarashadan 23 qarashaǵa qaraǵan túni О́skemen jáne Semeı qalalarynda reıdter júrgizildi.

Monıtorıngtik is-sharalar barysynda О́skemendegi Red Bulls» túngi klýby (jalǵa alýshy R.K. Djafarov), Solnechnaıa monshasy, Semeıdegi Pechkı-lavochkı kesheni (Paıazıtov P. g. JK) taraptarynan oblystyń bas sanıtarııalyq dáriger belgilegen shekteýlerdiń buzylǵany tirkeldi.

Monıtorıngtik top kelgen kezde túngi klýbta 70-ten astam adam bolyp, saýnalar men monshalarda dastarhan jaıylyp, ondaǵan adam kóńil kótergeni belgili boldy.

Qazirgi ýaqytta quqyq qorǵaý organdary atalǵan faktiler boıynsha ákimshilik jaýapkershilik máselesin sheshý maqsatynda sanıtarlyq-epıdemıologııalyq baqylaý organdaryna jiberý úshin tıisti materıaldardy rásimdeýde.