Memleket basshysy Qasym-Jomart Toqaev Qaraǵandy oblysyna jumys saparymen bardy. Sapar barysynda jańadan salynǵan 1200 oryndyq mektep-gımnazııany jáne Qaraǵandydaǵy birqatar sport nysanyn aralap kórdi. Bul týraly akorda.kz saıty habarlady. 

Prezıdentke jańa mekteptegi zamanaýı quraldarmen jabdyqtalǵan kabınetter, STEM-laboratorııa, robottyq tehnıka jáne zııatkerlik bólmeler, mektep telestýdııasy men medıastýdııa kórsetildi. 

Toqaev jańa mektep-gımnazııaǵa Abaıdyń esimin berý jónindegi usynysty qoldady. Oqý oshaǵy uly aqyn ári oıshyldyń muralaryn zertteý, nasıhattaý ortalyǵyna aınalady. Mektep bazasynda qalalyq qana emes, oblystyq is-sharalar da ótkiziledi. Ol úshin 700 oryndyq akt zaly bar. Onyń ishi Abaı shyǵarmashylyǵymen bezendirilgen.

Jańa oqý jylynda óńirdegi 504 mektepte 204 myń oqýshy, sonyń ishinde, 22 myń birinshi synyp oqýshysy bilim alýda.

Kontıngenti 300-den aspaıtyn 279 mektep shtattyq rejımde jumys istep jatyr. Mundaı oqý oryndarynda 29 myńǵa jýyq oqýshy oqıdy. Bastaýysh jáne besinshi synyp oqýshylary úshin 6166 kezekshi synyptar uıymdastyrǵan. Bul synyptarda 77 myńnan astam bala oqyp jatyr. Búkil bilim berý mekemelerinde sanıtarlyq rejım barynsha kúsheıtilgen.

Foto: akorda.kz

Sonymen qatar, memleket basshysy Qaraǵandy qalasyndaǵy jańadan salynǵan tennıs ortalyǵynyń jumysymen tanysty. Ortalyqta bir mezgilde 650 bala jattyǵa alady.

Nysannyń ınfraqurylymy álemniń eń ozyq standarttaryna saı keledi. Munda 11 kort bar, onyń 7-ýi jabyq. Sonymen qatar jalpy jáne arnaıy dene shynyqtyrý jumystaryna arnalǵan zaldar bar.

Qasym-Jomart Toqaevqa ortalyqtyń tehnıkalyq jabdyqtalýy týraly egjeı-tegjeıli baıandaldy. 

Qala ómirindegi osyndaı mańyzdy nysannyń paıdalanýǵa berilýimen quttyqtaımyn. Biz qazir buqaralyq sportty damytýdy maqsat etip otyrmyz. Myna sport ortalyǵy barlyq balalardyń úlken tennıspen shuǵyldanyp, densaýlyǵyn kúsheıtýge múmkindik beredi. Bul kópjaqty ári yńǵaıly nysan. Osy múmkindikti paıdalana otyryp, Qazaqstan tennıs federasııasynyń prezıdenti Bolat Jámishuly О́temuratovqa rızashylyǵymdy bildiremin, – dedi memleket basshysy.

Foto: akorda.kz

Ortalyqtyń jalpy kólemi 7,8 myń sharshy metrdi quraıdy. Onda májilis zaly men 2 kafeterıı jáne qonaq úı kesheni bar.

Shahar sharýashylyǵyn damytýdyń úzdik álemdik tájirıbelerine sáıkes tennıs ortalyǵynyń aınalasyndaǵy 1,5 gektar aýmaq tolyǵymen abattandarylyplyp, kógaldandyrylǵan. Nysan qurylysyna jeke ınvestorlar 2,4 mlrd teńge kólemindegi qarajat salǵan.

Sonymen qatar Toqaev ústel tennısi ortalyǵynyń jumysymen tanysty. Ortalyqta kúnine 400 adam ústel tennısin oınaı alady.

Memleket basshysy buqaralyq sportty damytýdyń, dene shynyqtyrýmen jáne sportpen aınalysatyn halyqtyń sanyn arttyrýdyń mańyzdylyǵyn atap ótti. 

Bul tek jattyǵyp qana qoımaı, halyqaralyq jarys ótkizýge barlyq jaǵdaı jasalǵan ádemi ortalyq eken. Ústel tennısiniń prezıdenti Danııar Ábilǵazınge, Qaraǵandy oblysynyń ákimi Jeńis Qasymbekke, Qazaqstannyń ústel tennısinen bas bapkeri Elmıra Álıevaǵa alǵys aıtqym keledi. Bolashaqta úlken jeńiske jetesizder dep úmittenemin. Kóp jattyqsańyzdar, jetistik te mol bolady, – dedi Qasym-Jomart Toqaev.

Ortalyq qurylysyna Qazaqstan Respýblıkasynyń Ústel tennısi federasııasy 1 mlrd 950 mln teńge qarjy jumsaǵan.

Bıyl Qaraǵandy oblysynda 85 sport nysany paıdalanýǵa beriledi dep josparlanǵan.

"Qamshy" silteıdi
Ilmek sózder: Toqaev Qaraǵandy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir