Jyl basynan beri jumysynan aıyrylǵan jaǵdaıda memlekettik áleýmettik saqtandyrý qorynan taǵaıyndalatyn áleýmettik tólem alýshylardyń sany 82,1 myń adamǵa jetti. Bul týraly eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Vedomstvo málimetinshe, qazan aıynda 10 489 azamatqa tólem taǵaıyndalǵan.

Qoldanystaǵy zańnamaǵa sáıkes, jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aırylýy boıynsha áleýmettik tólemder alady. Tólem joǵalǵan kiristiń 40%-yna deıingi mólsherde MÁSQ qarajaty esebinen júzege asyrylady.

"Tólem taǵaıyndaý úshin jumystan bosatylǵan qyzmetkerge:

- Egov.kz portalynda avtorızasııalaný;

- "Jumysqa ornalastyrý jáne jumyspen qamtý" bóliminde "Jumys izdeýshi adamdardy tirkeý" qyzmetin tańdaý;

- Onlaın-qyzmetke tapsyrys berip, barlyq joldardy toltyrý jáne oǵan ESQ-men qol qoıyp, ótinimdi jiberý qajet;

- Bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;

- Eger jumys tabylmasa, 3 jumys kúni ishinde qashyqtyqtan jumyssyz mártebesi beriletin bolady (qajet bolǵan jaǵdaıda qosymsha aqparat jınaý úshin sizge HJQO qyzmetkeri habarlasady)" delingen habarlamada.

Jumyssyz retinde tirkelý týraly málimetter bolǵan kezde eńbek jáne halyqty áleýmettik qorǵaý mınıstrliginiń aqparattyq júıesi proaktıvti formatta MÁSQ-tan tólemdi taǵaıyndaý boıynsha qyzmet kórsetýge kelisý úshin mobıldi telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.

Eske salsaq, MÁSQ qarajaty esebinen jumysynan aıyrylǵan jaǵdaıda tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adam jumys izdegen kezeńde ony qoldaýǵa arnalǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir