Qarabaqtaǵy armıandar býynyp-túıinip ketip jatyr (vıdeo)

Ázerbaıjan armııasy Qarabaqtaǵy Gúlably aýylyna baryp, ýaqytynda úıdi bosatyp úlgermegen armıandarǵa kóshýge kómektesip jatyr. Áleýmettik jelilerde býynyp-túıinip jatqan armıandardyń vıdeosy taraǵan. Bul týraly AZE.az habarlady. 

AZE.az basylymnyń habarlaýynsha, alǵashqy Qarabaq soǵysynda armıan basqynshylary ázerbaıjandarǵa jınalýǵa on saǵat qana bergen. Sodan keıin qashyp úlgermegen ázerbaıjandardy azaptap, óltire bastady. Al myna vıdeoda ázerbaıjandar ketýge jınalyp jatqan armıandarǵa kedergi keltirmeı, qarap turǵanyn kórýge bolady. Bul beıne Hodjalanyń beıbit turǵyndaryn óltirgen armıan sarbazdaryna qaraǵanda, Ázerbaıjan áskeriniń gýmanızmin taǵy bir ret kórsetti.

Kóship jatqandardyń qaıda bet alǵany ázirge belgisiz. Sebebi, basylym Armenııa bıligi Qarabaqtaǵy armıandardyń qaýipsizdigine endi jaýap bermeıtinin jazǵan.