23 Qarasha, 2020 NEWS
Foto:Diyor24.uz
Dúnıejúzilik densaýlyq saqtaý uıymy 2021 jyly Eýropada koronavırýs ınfeksııasynyń úshinshi tolqynynyń bolýy múmkin ekenin eskertti. Bul týraly Qazaqstannyń koronavırýsty taratpaý jónindegi vedomstvoaralyq komıssııasy málim etti.
– Eýropa koronavırýs ınfeksııasy pandemııasynyń úshinshi tolqynyna 2021 jyldyń basynda tap bolýy múmkin. Eýropa birinshi tolqyndy baqylaýǵa alǵannan keıin jaz aılarynda qajetti ınfraqurylymdy salýdy jiberip aldy. Qazir ekinshi tolqyn júrip jatyr. Eger olar qajetti ınfraqurylymdy salmasa, kelesi jyldyń basynda úshinshi tolqyn bolady, – dedi Dúnıejúzilik densaýlyq saqtaý uıymynyń arnaıy ókili Devıd Nabarro.
Ol sonymen qatar, Eýropanyń Azııa elderinen úırenetin nárse bar ekenin aıtty.
– Vırýsqa jyldam ári batyl jaýap berý kerek. Ásirese vırýstyń ár túrli qaýymdastyqtar ishinde óte baıaý taralatyn kezinde bul óte mańyzdy. Eger siz senimsiz áreket jasasańyz, indet óte tez artady, – dedi DDU-nyń arnaıy ókili.
Eýropa elderinde koronavırýsty juqtyrǵandar sany kún saıyn artyp keledi.
Álemde koronavırýs ınfeksııasyn juqtyrǵan adamdardyń jalpy sany 59 mıllıonǵa jaqyndady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir