• USD 468.56

  • EUR 497.56

  • RUB 7.3

  • CNY 67.18

29 Naýryz, 03:24:46
Almaty
+35°

Sottalǵan adamǵa jumys tabý ońaı emes. Biraq Sergeı osyndaı qıyndyqty jeńe bildi. Ol kópten beri óziniń oılap júrgen maqsatyn júzege asyrý úshin arnaıy kýrstan ótip, shaǵyn bıznes bastaý úshin grant utyp aldy.

Almaty qalasy boıynsha QAJD ókilderiniń málimeti boıynsha Sergeı jol-kólik apatyn jasaǵany úshin qylmystyq jazaǵa tartylypty. Jazasyn ótep shyqqan soń jumysqa turý úshin sottylyǵy kóp kedergi bolǵany ras. Birde ol Túrksib aýdandyq Probasııa qyzmetiniń bastyǵy  ádilet kapıtany Mırlan Aqsaqalovpen áńgimelesip otyryp,jumyssyz adamdarǵa bıznes bastaý úshin múmkindik beretin memlekettik baǵdarlama bar ekenin biledi.

«Men ómirimniń kóbin úlken júk kólikterin júrgizýmen ótkizdim. Elimizdiń barlyq jerinde jáne odan tys jerlerde de boldym. Biraq 2018 jyly baqytsyz jaǵdaı boldy...men jol apatyn jasadym. Tergeý qorytyndysy men sottyń úkimi boıynsha bas bostandyǵym men júrgizýshi kýáligimnen aıyryldym. Alaıda bosap shyqqan soń men qalaıda aqsha tabý jáne otbasymdy asyraý úshin kóp oılanbaı ártúrli jumystar istedim. Al, tegin kýrs oqyp, ózińniń kásibińdi bastaý úshin aqsha alýǵa bolatynyn estigende birden sol kýrsqa tirkeldim. Men eshqandaı qam-qareketsiz dıvanda jatatyn, ishimdikke salynatyn, óziniń ómirin ózi talqan etetin adamdardy túsinbeımin. Qandaı múmkindiktiń bolsa da jalyna jarmasý kerek dep oılaımyn»-deıdi Sergeı.

Burynǵy sottalǵan «Atameken» ulttyq kásipkerler palatasy ótkizetin «Bastaý Bıznes» jobasy boıynsha kásipkerlik negizderi» kýrsyn onlaın formatta oqyp, bitirdi. Kásipkerlik daǵdylaryn úırendi, bıznes-joba jasady, ony komıssııanyń aldynda jaqsy qorǵap shyqty.

«Men durys sheshim qabyldap, óz isimdi bastaǵanyma qýanyshtymyn. Negizinde men burynnan et ystaýmen aınalysatynmyn, al qazir bul ispen kásibı turǵyda aınalysamyn dep sheshtim. Qazir qaladaǵy 7 dúkenge óz ónimderimdi ótkizemin, ózimniń satyp alýshylarym paıda boldy. Olar meni izdep, qońyraý shalyp turady»-deıdi Sergeı.

Ol grant boıynsha berilgen aqshaǵa pesh pen shıkizat satyp alǵan bolatyn.

"Qamshy" silteıdi
Ilmek sózder: almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir