"Bul týrızmdi damytýǵa qolaıly óńir". Amandyq Batalov Narynqol týraly

20 qarasha kúni Almaty oblysy Raıymbek aýdany Narynqol aýylynda 33 turǵyn úı men halyqqa qyzmet kórsetý ortalyǵy jəne aýdandyq prokýratýra ǵımarattary qoldanysqa berildi. Sharaǵa oblys əkimi Amandyq Batalov qatysty, dep habarlaıdy Qamshy.kz aqparat agenttigi.

2018 jyly Qazaqstannyń sol kezdegi prezıdenti Nursultan Nazarbaevtyń sheshimimen Raıymbek aýdany qaıta qurylǵan. Qazirgi ýaqytta Narynqolda 83 kommýnaldyq úı salynyp jatyr, qoldanysqa berýge daıyn bolǵan 33 úıde búgin qonys toı bolady. Atalǵan shara boıynsha baspanaly bolǵan kóp balaly otbasylar, jetim balalar, múgedekter, memlekettik qyzmetkerler men bıýdjettik mekeme qyzmetkerlerine 10 baspananyń kiltin oblys ákimi Amandyq Batalov tabystady. 

Baspanalardyń barlyǵy bir syzba boıynsha salynǵan. Olar 80, 90, 100 sharshy metrden turady. Jalpy alańy 3242 sharshy metr. Qurylysyn “Fýd MS” JShS jáne "Asan M" JShS júrgizgen.

Jańa úıdiń kiltin tabystaǵan oblys əkimi baspanaly bolǵan aýyl turǵyndaryn quttyqtap, Narynqol óńirine jasalyp jatqan memlekettik qoldaýlar men aldaǵy ýaqytqa josparlanǵan jumystar týraly qysqasha aıtyp berdi.

– Shekaranyń shebinde, oblystyń shetinde qaıta shańyraq kótergen Raıymbek aýdanynyń jańaryp, kórkeıip kele jatqany kóńil qýantady. Elbasy Nursultan Ábishuly Nazarbaevtyń jarlyǵymen qaıta qurylǵannan beri aýdandaǵy halyq sany ósip, 40 myńǵa jýyqtady. Sonyń ishinde eki myńnan asa adam týǵan jerine qaıta oraldy. Aýdannyń damýyna, ınfraqurylymyn qalpyna keltirýge bıýdjetten 17,9 mlrd teńge qarjy jumsaldy. Joldary jasalyp, kóshelerine asfalt tóselip, jańa ǵımarattar salyndy. Basqa da ıgilikterdiń barlyǵy jasalýda. Sonyń ishinde birinshi kezekte, aýdanǵa jumys isteýge kelgen qyzmetkerlerdi baspanamen qamtamasyz etý máselesin sheship kelemiz. Búgin, mine, salynyp jatqan 83 kommýnaldyq turǵyn úıdiń 33-in qoldanysqa berip otyrmyz. Qonystaryńyz qutty bolsyn!, – dedi Amandyq Batalov.

Oblys ákiminiń sózininen keıin Narynqol aýylynyń ardageri Medethan Abırov ákimge alǵysyn bildirdi.

– 21 jyldan keıin aýdanymyz qaıta túledi, kósegemiz kógerdi, óshkenimiz jandy. Aýdanǵa respýblıkadan da, oblystan da qyrýar qarjy bólip, qarqyndy jumys jasalyp jatyr. Osy jaqsylyqtyń báriniń ıgiligin halyq kórip otyr, – dedi aýyl aqsaqaly.

Baspanalardyń kiltin tabystaý saltanaty aıaqtalǵan soń aýdan turǵyny Qýanysh Abaev oblys ákimine úıine qonaq bolyp, 20 jyldan beri zaryǵa kútken balasyna batasyn berýdi surady. Túrǵyn sózin Amandyq Batalov jerge tastamady. Jańa baspananyń kiltin ustaǵan Abaevtar áýletin shańyraǵyna kirip, qonys toıymen quttyqtap, náreste Nurıslamǵa jarqyn bolashaq tilep batasyn berdi.

Almaty oblysynyń ákimi baspanaly bolǵandarǵa izgi tilegin aıtyp bolǵan soń dene shynyqtyrý - saýyqtyrý kesheniniń qurylys jumystarymen tanysý úshin qurylys alańyna bardy. Belgilengen ýaqytta aıaqtalmaǵan qurylys jumystary qazirgi kúnniń sýyǵyna qaramastan jalǵasyp jatyr. Nysannyń  der kezinde daıyn bolmaýyn qurylysshylar karantınmen baılanystyrdy. Bul keshenniń jalpy alańy 4257 sharshy metr. Nysanda shtattyq kestege sáıkes 33 qyzmetkerge arnalǵan, kúres, boks, fýtbol, basketbol, voleıbol, gandbol, shynyǵý zaly, 4 kıim aýystyratyn bólme, 32 oryndyq ashana jumys istemek.

 
Taǵy bir jańalyq - osy kúni Narynqolda “Azamattarǵa arnalǵan úkimet” jəne aýdandyq prokýratýra ǵımarattary paıdalanýǵa berildi. Sol sııaqty kúrdeli jóndeýden keıin UQK ǵımaraty qoldanysqa berildi.

"Azamattarǵa arnalǵan úkimet" ǵımaratynyń 1-qabatynda Raıymbek aýdandyq halyqqa qyzmet kórsetý bólimi, aýdandyq polısııa bóliminiń kóshi-qon qyzmet toby jáne muraǵaty, 2-qabatynda áleýmettik qamsyzdandyrý, jer kadastry bólimderi ornalasady, sonymen qatar, 72 adamǵa arnalǵan májilis zaly bar.

Oblys basshysy ortalyqqa qyzmet alýǵa kelgen turǵyndarmen tildesip, qyzmet kórsetýshi mamandarmen áńgimelesti. Erlan Toqtabek pen Symbat Muqash munda jas maman retinde kelgen. Ekeýi de joǵary oqý ornyn bitirgennen keıin alǵashqy eńbek joldaryn osy ortalyqtan bastaǵandaryn aıtty. Sol sııaqty munda 2018 jyly aýdan qaıta ashylǵanda Almatydan aýysyp, Narynqolǵa arnaıy jumysqa kelgen mamandar da bar.

Resmı qonaqtar ortalyq ishin aralap, memlekettik qyzmet alýǵa jasalǵan qolaıly jaǵdaılardy kórip, tanysty.

Jýrnalısterdiń suraǵyna jaýap bergen oblys basshysy Amandyq Batalov aýdannyń kórkeıip, órekendeýi úshin bıýdjetten 18 mıllıard teńgeniń bólingenin aıtty.

– Elbasynyń tarıhı sheshiminiń arqasynda Raıymbek aýdany belsendi damyp keledi. Aýdanyn kórkeıtýge respýblıkalyq jáne oblystyq bıýdjetten 18 mlrd. teńgege jýyq qarjy bólindi. Al bıylǵy jyldyń ózinde qurylys jumystaryna 8 mlrd. teńge qarastyrylyp otyr. Sonyń 3 mlrd. teńgesi – "Jumyspen qamtý jol kartasy" arqyly bólingen. Aýdanda jańa jumys oryndary ashylyp, jastar týǵan ólkesine qaıta oralyp jatyr. Kelesi jyly táýligine 250 adam qabyldaıtyn, jobalyq quny 2,8 mlrd. teńgelik emhana salyna bastaıdy. Aýdandyq aýrýhana ǵımaraty kúrdeli jóndeýden ótkiziledi. Sýarý júıelerin retke keltiremiz. Iri ınvestorlar osy óńirde mal sharýashylyǵy boıynsha kásipterin damytýǵa nıet bildirýde. Kelesi jyly Kegen, Narynqol óńirine gaz jetkizý jumystaryn bastaımyz. Bul óńir tabıǵaty tunyp turǵan, týrızmdi damytýǵa qolaıly óńir. Osy baǵyttardyń barlyǵyn basymdyqqa alyp, aýdandy órkendetýge jumys isteıtin bolamyz, - dedi Amandyq Batalov.