AQSh soǵys ushaqtary Qytaı terrıtorııasyna kirdi

"AQSh Qytaıdyń áýe keńistigine eki soǵys ushaǵyn ushyryp, Beıjińdi qarsy operasııany bastaýǵa májbúr etkennen keıin Qytaı men AQSh arasyndaǵy shıelenis odan ári kúsheıdi" dep habarlandy. Qytaılyq Weibo mıkroblog platformasynda Beıjiń jaýap retinde eki reaktıvti ushaq jibergeni jarııalandy.

AQSh áskerı kúshteri Shyǵys-Qytaı teńiziniń ústine eki dybystan jyldam aýyr bombalaýshy ushaq jibergen. Baqylaý derekteri boıynsha AQSh-tyń áýe kúshteri "B-1Bs MAZER01" jáne "MAZER02" Qytaıdyń áýe qorǵanysyn ıdentıfıkasııalaý aımaǵyna qaıta janarmaı quıý mıssııasy kezinde attanǵan.

900 mılden astam jyldamdyqpen júre alatyn reaktıvti ushaqtar Gýamdaǵy Anderson áskerı-áýe bazasynan jiberildi.

Jaǵdaıǵa baılanysty Qytaı áskerı kúshterin basqarý ortalyǵynda dabyl qaǵyldy.

"Qytaı halyq-azattyq armııasynyń áskerı-áýe kúshteri qaýiptiń aldyn-alý úshin óziniń eki reaktıvti ushaǵyn jedel jiberdi" delingen Weibo mıkroblogtyq platformasynda taraǵan vıdeoda.