• USD 468.56

  • EUR 497.56

  • RUB 7.3

  • CNY 67.18

29 Naýryz, 14:43:57
Almaty
+35°

 

Aqtóbe oblysyna jumys sapary aıasynda Sybaılas jemqorlyqqa qarsy is-qımyl agenttiginiń tóraǵasy A. Shpekbaev belgili quqyq qorǵaýshy Aıman Omarovanyń uıymdastyrýymen «Halyq úni» atty ashyq dıalogqa qatysty. qamshy.kz

Is-sharaǵa oblys ákimi Ońdasyn Orazalın, jergilikti atqarýshy organdardyń basshylary, qoǵamdyq-quqyq qorǵaýshylar, sondaı-aq ózderiniń ózekti máselelerin aıtýǵa kelgen turǵyndar qatysty.
Esterińizge sala keteıik, «Halyq úni» áleýmettik jobasy – Memleket basshysy jarııalaǵan «Halyq únine qulaq asatyn memleket» tujyrymdamasy aıasynda iske asyrylyp jatqan shoǵyrlandyrylǵan áriptestiktiń, aýyldardaǵy qarapaıym adamdardyń máselelerin sheshýdiń bir mysaly. qamshy.kz
Ashyq dıalog barysynda oblysta erekshe qajettilikteri bar adamdar úshin jasalǵan sharttardan bastap quqyq qorǵaý organdarynyń qyzmetine deıingi kóptegen taqyryptar qozǵaldy.

Sapar barysynda Sybaılas jemqorlyqqa qarsy qyzmet basshysyna «Bızneske arnalǵan úkimet» front-keńsesi tanystyryldy. Onyń maqsaty «bir tereze» qaǵıdaty boıynsha bızneske barlyq qoldaý sharalaryn ortalyqtandyrylǵan túrde kórsetý.
«AQTOBE INVEST» jańa front-keńsesi kásipkerlerdi qoldaý sharalarynyń qoljetimdiligi men qamtylýyn arttyrady, sondaı-aq rásimderdiń ashyqtyǵyn ulǵaıtyp, nátıjesinde kásipkerdiń ıdeıadan jobany iske asyrýǵa deıingi jolyn jeńildetedi. qamshy.kz
Budan keıin Agenttik tóraǵasy men «Altyn qyran» KT bas dırektory I. Saljanov arasynda sybaılas jemqorlyqqa qarsy is-qımyl máseleleri boıynsha ózara yntymaqtastyq týraly memorandýmǵa qol qoıyldy. Ol birlesken jobalardy iske asyrýdy jandandyrýǵa, aqparat almasýdy júzege asyrýǵa múmkindik bermek.

Sondaı-aq, Alık Shpekbaev «Sanaly urpaq» jáne «Adal bilim» jobalary alańdarynda Sybaılas jemqorlyqqa qarsy qyzmetpen belsendi yntymaqtastyq ornatqan Q. Jubanov atyndaǵy Aqtóbe óńirlik memlekettik ýnıversıtetinde boldy.
Ýnıversıtette sybaılas jemqorlyq táýekelderin tómendetý sharalarynyń biri – stýdenttik jáne oqytýshylyq quramǵa barlyq yńǵaıly elektrondyq qyzmetterdi usynatyn «Smart ARSU» mobıldi qosymshasy syndy sıfrlyq tehnologııalardy engizý.

Jumys saparynyń sońynda Sybaılas jemqorlyqqa qarsy qyzmet basshysynyń jurtshylyqpen jáne Aqtóbe oblysynyń Prezıdenttik kadr rezervimen ashyq dıalogtyq kezdesýi ótti.
Qoǵam ókilderi vedomstvo basshysynan ózderin tolǵandyrǵan suraqtarǵa jaýap alyp, Sybaılas jemqorlyqqa qarsy qyzmettiń azamattyq qoǵammen tıimdi ózara is-qımyly úshin rızashylyqtaryn bildirdi.
Sapar sońynda A. Shpekbaev óńirde memlekettik mekemelerdi transformasııalaý, «Halyq únine qulaq asatyn memleket» tujyrymdamasy aıasynda ashyqtyq pen aıqyndylyqty engizý boıynsha júrgizilip jatqan jumystarǵa oń baǵa berip, oblysta sybaılas jemqorlyqtyń aldyn alý jumystary tıisti deńgeıde júrgizilip jatqanyn atap ótti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir