Jańa qaýly. Qazaqstannyń 4 oblysynda karantın kúsheıtiledi

Almaty, Shyǵys Qazaqstan, Soltústik Qazaqstan, Qaraǵandy oblystarynda karantın sharalaryna ózgerister men tolyqtyrýlar engizildi. Bul týraly oblystardyń bas sanıtar dárigerleri málimdedi.

Almaty oblysynyń bas sanıtar dárigeri Erǵalı Sydymanov karantındik jańa shekteý sharalary 22 qarashada 7:00-den bastap kúshine enetinin eskertti.

Jańa qaýlyǵa sáıkes: 

• Qoǵamdyq kóliktiń jumysy 23.00-ge deıin uzartylady;
• Bir otbasy múshelerin qospaǵanda, 3 adamnan artyq júrýge tyıym salynady;
• 65 jastan asqan adamdardyń kóshege shyǵýyna shekteý qoıylady;

Sonymen qatar kelesi nysandardyń qyzmeti burynǵysha toqtap tur:

• 50-den asa otyratyn orny bar qoǵamdyq tamaqtandyrý obektileriniń (ashana, dámhana, kofe, meıramhanalardyń jáne basqa da mekemelerdiń);
• sany 15 adamǵa deıingi kezekshi toptardy qospaǵanda, barlyq mektepke deıingi uıym;
• oıyn-saýyq obektileri (túngi klýbtar, kórmeler, bılıard jáne kompıýterlik klýbtar, balalar oıyn alańdary, jabyq úı-jaılardaǵy batýttar jáne basqalar);
• oqý-jattyǵý sabaqtaryn qospaǵanda, basseınder;
• oıyn mekemeleri, kazıno, qumar oıyndar ótkiziletin ǵımarattar, úı-jaılar, qurylystar.

≥OQI OTYRYŃYZDAR: Jańa qaýly. ShQO bas sanıtar dárigeri qaýlyǵa ózgeris engizdi

Al, Shyǵys Qazaqstan oblysynyń bas memlekettik sanıtar dárigeri H. Ilıýbaev koronavırýs ınfeksııasynyń aldyn-alý úshin qaýlyǵa ózgerister men tolyqtyrýlar engizdi.

Qaýlyǵa sákes:

• О́nerkásiptik kásiporyndarǵa, mektepke deıingi tárbıe obektilerine, medısınalyq mekemelerge, týrızm obektilerine jáne t.b nysandarǵa jumys isteýge ruqsat etiledi (otyratyn oryndar sany 50%-dan aspaýy kerek);
• ashyq aýada (kóshede, úıden tysqa shyqqanda), qoǵamdyq oryndarda, onyń ishinde avtobýs aıaldamalarynda maska kııý mindetteledi;
• otbasy múshelerin qospaǵanda, ashyq aýada (kóshede, úıden tys jerde), demalýǵa arnalǵan úı-jaılarda qashyqtyq saqtaý.

Bas sanıtar dárigerdiń málimdeýinshe, qaýly 2020 jyldyń 21 qarashasynda kúshine enedi jáne onyń resmı kúshi joıylǵanǵa deıin karantın sharalary saqtalady.

2020 jyldyń 19 qarashadaǵy jaǵdaı boıynsha Shyǵys Qazaqstan oblysynyń bilim berý uıymdarynda oqýshylar arasynda koronavırýs ınfeksııasynyń 477 jaǵdaıy tirkeldi. Onyń ishinde 125 offlaın rejımde oqıtyndar arasynda, 26%, onlaın rejımde 352/74%, sondaı-aq muǵalimder arasynda-108 jaǵdaı tirkelgen.

Soltústik Qazaqstan oblysynyń bas sanıtar dárigeri 20 qarashadaǵy №36 qaýlysyna ózgertýler engizdi. 

Petropavl qalasy, Qyzyljar aýdanynyń aýmaǵynda karantındik shekteý is-sharalaryn kúsheıý úshin eki óńirdiń ákimderi, menshiktiń barlyq nysanyndaǵy uıymdardyń/kásiporyndardyń basshylary nazaryna:

• densaýlyq saqtaý uıymdarynda, jedel járdem kóliginde, jergilikti atqarýshy organdar karantınge bólgen bólmelerde foto jáne beınebaqylaý júrgizýge tyıym salady;
• sporttyq is-sharalardy ótkizýge, kórmeler, forýmdar, konferensııalar, sondaı-aq otbasylyq, eske alý sharalaryn (banketter, úılený toılary, mereıtoılar, eske alý kúnderi) úıdegi jáne basqa da kóptegen adamdar jınalatyn is-sharalardy ótkizýge tyıym salynady;
• turǵyndardyń korporatıvti, saltanatty, otbasylyq jáne ózge de buqaralyq is-sharalardy ótkizýine jeke úı men ǵımarattardy jalǵa alýǵa tyıym salynady;
• kınoteatrlar; túngi klýbtar; balalar oıyn alańdary, saýda ortalyqtary men saýda úılerindegi oıyn-saýyq ortalyqtary; fýd-korttary; kalıan barlary qyzmetin toqtatady;
• medısınalyq ortalyqtardyń qyzmetterin shekteý, klıentterdi tek jazylý arqyly qabyldaý, aımaqtarǵa bólý talaptaryn jáne kúsheıtilgen sanıtarııalyq-dezınfeksııalyq rejımdi saqtaýdy qadaǵalaý;
• jumys ýaqyty 10.00-den 20.00-ge deıin jáne Qazaqstan Respýblıkasynyń eńbek zańdylyǵyna sáıkes, senbi-jeksenbi jáne mereke kúnderi jumysyn toqtata otyryp, aýdany 500 m2-den asatyn (adam kelý koeffısıenti 30% -dan aspaıtyn, 1 kelýshige keminde 4 sh.m.) azyq-túlik emes dúkenderdiń (qurylys dúkenderin qospaǵanda) qyzmetin shekteý;
• tamaq ónimderimen saýda obektileriniń qyzmetin saǵat 08.00-den 22.00-ge deıin shekteý;
• tutynýshylarǵa ónimder men taýarlardy saǵat 08.00-den 22.00-ge deıin jetkizý;
• saýnalardyń, onyń ishinde turǵyndarǵa turǵyn úı qyzmetterin kórsetý salasyndaǵy uıymdarda ornalasqandardyń qyzmetin toqtata turý.

Atalǵan qaýly 23 qarashada saǵat 00:00-den bastap kúshine enedi.

Qaraǵandy oblysynyń bas  sanıtar dáriger Iý.L. Zalygın karantındik shekteý sharalaryna tolyqtyrýlar men ózgerister engizdi.

Qaýly 21-shi qarasha saǵat 00:00-den bastap kúshine enedi.

"Tehnıkalyq qyzmet kórsetý stansııalarynyń, avtojýǵyshtardyń, shınomontaj sheberhanalarynyń basshylary qaýlydaǵy 10-qosymshaǵa sáıkes sanıtarlyq sharalardy kúsheıte otyryp, obektilerdiń qyzmetin qamtamasyz etsin" dep jazylǵan qaýly ózgerisinde.

Qaýlynyń tolyq nusqasy myna siltemede