Jańa qaýly. Almaty oblysynda keıbir shekteý sharalaryn engizý tapsyryldy

Almaty oblysynyń Bas memlekettik sanıtarııalyq dárigeri E.Sydymanovtyń "Almaty oblysynyń aýmaǵynda karantın rejımi jáne keıbir shekteý sharalaryn engizý týraly" 2020 jylǵy 20-qarashadaǵy №32 qaýlysy jarııalandy. Bul týraly Almaty oblysy ákimdiginiń baspasóz qyzmeti habarlady. 

Qaýlyǵa sáıkes, Almaty oblysynda karantın rejımi jalǵasyp, keıbir shekteý sharalary engiziledi. 

– Almaty oblysynda karantındi jalǵastyrýdy jáne keıbir shekteý sharasyn engizýdi qaýly etemin. Karantın rejımi men merzimderi COVID-19 taralýy boıynsha jaǵdaıdyń ózgerýine sáıkes ózgertilýi múmkin, - delingen Almaty oblysynyń bas sanıtar dárigeri Erǵalı Sydymanovtyń qaýlysynda.

Atap aıtqanda, myna jerlerdiń jumysy burynǵysha toqtap tur:

– 50-den asa otyratyn orny bar qoǵamdyq tamaqtandyrý obektileriniń (ashana, dámhana)

– kofe, meıramhanalardyń jáne basqa da mekemelerdiń);

– sany 15 adamǵa deıingi kezekshi toptardy qospaǵanda, barlyq mektepke deıingi uıym;

– oıyn-saýyq obektileri (túngi klýbtar, kórmeler, bılıard jáne kompıýterlik klýbtar, balalar oıyn alańdary, jabyq úı-jaılardaǵy batýttar jáne basqalar);

– oqý-jattyǵý sabaqtaryn qospaǵanda, basseınder;

– oıyn mekemeleri, kazıno, qumar oıyndar ótkiziletin ǵımarattar, úı-jaılar, qurylystar.

Jańa qaýly 22 qarashada 7:00-den bastap kúshine enedi.