Foto: informburo.kz
Almaty gornızonynyń áskerı sotynda Qordaıdaǵy jappaı tártipsizdikke qatysqan jeti adamǵa qatysty úkim shyqty, dep habarlady Sputnik Qazaqstan saıty.
Saıt málimetinshe, olar ártúrli merzimge qamalyp, sottalǵandardyń árbiri zardap shekkenderdiń qoryna 20 AEK kóleminde aqsha aýdaryp berýge mindettelgen.
Qazaqstannyń áskerı soty aqpan aıynda Jambyl oblysy Qordaı aýdanyndaǵy tártipsizdik boıynsha buryn sottalǵan azamattardyń apellıasııalyq shaǵymyn qaraǵan.
Qyrkúıek aıynyń sońynda Almaty garnızonynyń áskerı soty tártipsizdikke qatysqan jeti adamǵa qatysty sheshim shyǵardy. Olar ártúrli merzimge qamalǵan. Resmı málimetke sáıkes, Qordaı aýdany Almaty gornızonyna qaraıdy. Sottalǵan bir azamat áskerı qyzmet atqarǵan. Sol sebepti osy qylmystyq ister áskerı sotta qaraldy.
Sottalǵandar apellıasııalyq shaǵym berdi, ony áskerı sot qarady. Nátıjesinde olardyń tórteýine qatysty úkim jeńildetildi. Bas bostandyǵynan aıyrý jazasy bas bostandyǵyn shekteý jazasyna aýystyryldy.
Qalǵan úsh sottalýshyǵa qatysty úkim ózgerissiz qaldy. О́ıtkeni ótemaqy tólemegen jáne olar qylmysty qaıtalaǵan.
Apellıasııalyq ınstansııa sheshim shyǵarý kezinde zardap shekkenderdiń tórt sottalǵan adamǵa qatysty jazany jeńildetý týraly pikirin, memlekettik aıyptaýshynyń ustanymyn, is boıynsha jeńildetetin mán-jaılardyń bolýyn, jappaı tártipsizdikter barysynda árbir sottalǵan adamnyń jeke-jeke is-áreketin nazarǵa alǵan.
Eske salsaq, 7 aqpanǵa qaraǵan túni Jambyl oblysy Qordaı aýdanynyń qazaq jáne dúngen turǵyndary arasynda jappaı tóbeles bolǵan. Oqıǵa saldarynan 11 adam kóz jumdy. О́rt bolyp, saldarynan turǵyn úıler men kommersııalyq nysandar, avtokólikter búlingen. Keıinnen 120-dan astam qylmystyq is tergelip jatqany belgili boldy. 1000-nan asa adam qatysqan jappaı tártipsizdikten 780 otbasy zardap shekken.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir