Getty
Koronavırýs Qytaıdan jumbaq "sary shań" arqyly Soltústik Koreıaǵa kirip jatyr. Bul týraly BBC, The Sun jáne Soltústik Koreıalyq ortalyq jańalyqtar agenttigi jazdy.
Soltústik koreıaǵa "sary shań" arqyly Qytaıdan koronavırýs kirýi múmkin ekeni týraly eskertý jasaldy. VVS-diń málimdeýinshe, Phenıannyń nasıhat basylymy bolyp esepteletin "Rodong Sınmýn" gazeti "Barlyq jumysshylar zııandy vırýstardyń ený qaýpin anyq bilýleri kerek" dep jazǵan.
Elshilikter de tozańǵa qatysty osyndaı habarlama alǵanyn habarlady. Phenıandaǵy Reseı elshiliginiń dereginshe, ózderine jáne ózge elshilikterge shańdy daýylǵa baılanysty osyndaı eskertý jiberilgen.
Habarlamada sheteldik azamattardy úıde bolýǵa shaqyryp, terezeleriniń jabyq ekenine kepildik berýge úndegen.
Osyǵan baılanysty el lıderi Kım Chen Yn sheneýnikterge koronavırýs pandemııasyn baqylaýda ustaý úshin sergek bolýdy tapsyrdy. Sheneýnikter azamattarǵa Qytaıdan kiretin "sary shań" koronavırýsty elge ákelýi múmkin dep eskertti.
Koreı memlekettik ortalyq jańalyqtar agenttiginiń (KCNA) habarlaýynsha, Soltústik Koreıa bıleýshisi partııaǵa, áskerı jáne ekonomıkalyq sarapshylarǵa eldiń koronavırýsqa qalaı tótep berý kerek ekenin túsindirgen.
Degenmen, maýsymdyq tozań men Covid-19 arasynda belgili baılanys bar ekeni rastalmaǵan.
Alaıda Soltústik Koreıa bundaı jaǵdaı týraly qaýiptenetin jalǵyz el emes. BBC jalǵan aqparat toby Túrkimenstanda azamattarǵa maska kııýdi buıyrýǵa vırýs tozańy sebep bolǵan dep boljaıdy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir